مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم اتمنى كلامي يوصل لكل الناس من ساعة ما الكورونا دخلت مصر و انا و اهلي مش بنورح اي مناسبات ولا بنخرج ولا كافيهات ولا زيارات ولا اي حاجة واللي بيشتغل شبه معزول عن الباقي, و موضوع المدارس كان كابوس, جالنا وسواس مرعب, بالكتير في حالات الوفاة طرف واحد بس اللي يروح الجنازة مع كل الإحتياطات و يرجع عازل نفسه دة لو حد راح بردو المهم كل شوية حد من اقاربنا و اصحابنا يعزمنا على فرح و نعتذر له, واحد ورا التاني يزعل مننا, بقينا بنخسر الناس و محدش فاهم اننا فعلا خايفين, يفرحوا براحتهم الف مبروك بس احنا خايفين!!! لحد ما حصل و حد عزيز علينا عزمنا على فرحه و دي كانت خبطة كبيرة اوي علينا, و حاليا الموضوع قلب مشكل كبيرة بين الأطراف كلها بينا و بينه و بيننا مع بعض مش عايز اكون اناني بس قرار غلق دور المناسبات دة كنا من اسعد الناس به لأنه بيقلل خسايرنا, اللي قادر يتعايش يا بخته بس في اللي مش قادر و كفاية الضغط دة عليه والله!! اتمنى الناس تفهم و تقدر, اتمنى فكرة اننا نلتمس العذر لبعض في الموضوع دة تاخد حجمها, اتمنى ان الناس تفرق بين اللي خايف و بين اللي لسة راجع من الجونة ولا الساحل ولا كل يوم سلفي في مكان بس مش عايز يجيلك فرحك, اتمنى عشرة العمر ماتهونش على الناس بالبساطة دي..اتمنى كلامي يوصل لكل الناس شكرا Facebook Notice for EU! You need to login to view and post FB Comments! , رايك يهمنا
Facebook Notice for EU! You need to login to view and post FB Comments!