مواقف: كل الاوقات | النهارده بس | الاسبوع الماضي | الشهر ده | السنه دى

انا كنت مرتبطة من ١٠ شهور تقريبًا و في مرة زعلت منه و بعدت شوية و بعدها شوفته في مكان مع واحدة تانية و هو شاف اني شوفته و كمل قعدته عادي فا انا كمان متأثرتش و قعدت بس لما روحت البيت كنت مقهورة و تاني يوم كان سنوية بابا فا الزعل كان مضاعف و قعدت فترة تعبانة بسبب الزعل ده .. و ماما كانت بتحذرني منرجعش لبعض تاني .. المهم بعدها بكام شهر ماما تعبت و طلع عندها كانسر و هو لما عرف رجع يهتم تاني و يكلمني و كان بيروح معانا المستشفى لإن مكنش في حد معايا غير ماما اصلا .. بعدها بفترة ماما كمان اتوفت و هو كان معايا و للأمانة كان باين جدًا انه اتغير و كل اللي يعرفوا اننا رجعنا لبعض يفرح بالتغيير اللي حصل .. بس ملحقناش نكمل مع بعض تاني و معرفش ايه اللي حصله و كان بعد وفاة ماما باسبوعين او ٣ تقريبًا جاله شغل في محافظة تانية و كان الاول بيسافر يوم او يومين و بعد كده بقا مقيم هناك .. بس بدأ يقولي مبررات لزعله مني انا شايفة انه مالوش حق فيها بالذات في الوقت ده .. اني مبقتش مهتمة بيه زي الاول ولا اعرف عنه حاجة .. و مكنش عدا شهر على وفاة ماما و كانت نفسيتي تحت الارض و انا اصلا عندي خلل في وظايف المخ اني لما بزعل بيحصل مضاعفات و هو عارف كل ده .. احنا كده بقالنا شهرين تقريبًا بعيد عن بعض و هو شايف ان علاقتنا انتهت و فاشلة كمان 😅 بس انا بحبه و عاوزة نرجع لبعض تاني .. و حاولت كذا مرة اصلح الغلط اللي هو شايف اني عملته حتى لو انا مكنتش اقصده بس مفيش فايدة .. و كمان محدش من صحابي موافق اننا نرجع لبعض حتى لو مش انا اللي هتكلم الاول هما شايفين ان حتى لو هو كلمني موافقش نرجع ولا اديله فرصة يقربلي تاني .. ! اعمل ايه 💔 , رايك يهمنا