مواقف: كل الاوقات | النهارده بس | الاسبوع الماضي | الشهر ده | السنه دى

نزل المشكله دى لو سمحت ! هو ممكن فيه أنسان يكون مبيحبش خالص أو ممكن يكون هو حب مره قبل كده ومن وقتها محبش تفتكرو الحب اللى فى قلبنا ممكن يخلص لشخص واحد بس ، باختصار انا مثلا كنت بحب شخص اوى اوى بس كان حب من طرف واحده بس دى كانت ايام المراهقه ممكن تالته اعداداى لحد تالته ثانوى يمكن هو معرفش المهم عدى سنين ع الموضوع دا وهو اتجوز وخلاص يعنى انا نسيته بعدها بحوالى سنه دخل شخص فى حياتى وفضلنا فتره كبيره اوى مع بعض يمكن سنتين بس كان بيحصل خلافات ونسيب بعض ونرجع ونسيب بعض ونرجع لحد ما فى مره سبنا بعض ومرجعناش بس انا كنت دايما بحس انى محبتوش اوى يعنى لو حصل بينا اى مشكله وهو غلطان وكده كنت بحس انى بايعه وحتى لو مشى مش فارق معايا ولا هتاثر المهم بعد ما سبنا بعض وبعدها بحوالى سنه اتخطبت لحد كويس وانا اللى اخترته محترم وابن ناس وكويس معايا وبيحبنى هنا بقا المشكله انى أوقات كتير بحس انى مبحبوش وانى نفسى اوى احب حد واكون فرحانه بوجوده واحس أن حوازى منه انتصار مش مجرد جوازه والسلام وأوقات تانيه بحس انى بحبه عادى بس حاسه انى زعلانه على نفسى اوى عشان مش عارفه احب زى البنات حتى انا من النوع اللى عمره ما لفت انتباهى ولد يمكن من اول ايام ف الثانوى ( المراهقه يعنى ) + انا دلوقتى ف تالته كليه ، صحابى بيقولوا عليا انى مبحبش بجد عشان انا من النوع العقلانى بزياده اللى بيفكر بعقله اكتر من قلبه بس مش حاسه ان دا سبب يخيلنى محبش بجد بتمنى حد يدينى رأيه هل دا مثلا يمكن بسبب انى عشت عيشه صعبه شويه بسبب مشاكل الأهل والحاجات دى وانى دايما كنت شايله مسئوليه او انا فعلا من النوع البارد اللى مبيحبش خايفه اوى اتجوز واكون مبحبش جوزى اللى هو دلوقتى خطيبى عشان انا عايشه بقنع نفسى انى هحبه اوى بعد الجواز بتمنى حد يفيدنى من غير تريقه , رايك يهمنا