مواقف: كل الاوقات | النهارده بس | الاسبوع الماضي | الشهر ده | السنه دى

لو سمحت انا متجوزة من سنة ونص وكل حاجه كانت كويسه ف اول سنة ومعاملته احسن معامله ودلوقتي بقالنا ٦شهور في مشاكل مع بعض انا بالنسبالي اسبابي كتير عشان مبقتش لقياه في يومي بيخرج وبيروح ويجي ولما باجي اطلب منه يخرجني انا وبنته مبيرضاش يااما يوديني مكان انا مبحبهوش مبيودينيش اي مكان انا اكون بحبه واي حاجه بقيت بطلبها للبيت مبيعملهاش وبقيت بتحايل عليه يقعد معايا شويه نتكلم ولا نلعب ولا نخرج ولا اي حاجه مبيحصلش رغم والله العظيم بحاول اعمل كل اللي يرضيه ومش مقصرة لا معاه ولا في بيتي ولا بنتي ولا نفسي حتي حقوقي مباخودهاش منه لحد مابقيت بتخنق وبزهق وبقيت بتعصب بسرعه ومش قبلاله اي حاجه فابيطلع اللي جوايا علي هيئة عصبيه ورد عليه وهو بقي بيشتمني بااهلي وانا بيصعب عليا اوي فابقيت برد عليه بس مش بشتيمه يعني اقوله اهو انت ماانت مش محترم كده يعني بقي بيمد ايده كان ف الاول برضو بيصعب عليا وافضل اعيط ويعتذرلي ويقولي انه مش هايعملها تاني بس لما فضلت تتكرر انا بقيت بقف قصاده واخبطه واشتمه وانا منهارة بسببه عشان اكتر حاجه بكرهها في حياتي الاهانه ومد الايد رغم اقسم بالله بعشق التراب اللي بيمشي عليه انا عملت معاه كل حاجه حلوة من قبل جوازنا لحد دلوقتي واستحملت حاجات كتير ووقفت جمبه كتير بس هو امبارح ع مشكله من ضمن مشاكلنا اللي هي اساسها انه عشان مبيرضاش يعملي اي حاجه فابتدايق ومعملهوش اي حاجه واقوله انا مش خدامه هو امبارح رمي عليا يمين الطلاق انا فضلت افتكر كل اللي فات واد ايه حاسة اني جيت علي نفسي وهنت نفسي وهو مستغلانيش وباعني بسهوله وامبارح بعتلي انه عاوزني اروحله عند اهله عشان يرد اليمين وانا قولتله مش هارجع غير لما يكون في تغيير واتعصبنا تاني وقفلنا صحيت انهارضه بسال هو فين لقيته خارج وبقوله انت فين يقولي وانتي مال اهلك بيا وسبلي الدين قدام اللي معاه وقفل في وشي انا بكره نفسي اوي لما بكرن ضعيفه بسببه وبسبب انه بعيد عني وهو بيعمل كل ده معايا مش عارفه اذا كنت انا فعلا غلطانه ولا هو اللي غلطان واذا كان عندي حق ولا انا اللي وصلته لكده زي مابسمع بس قسما بالله ردود افعالي دي كلها وردي عليه ووقوفي في وشه عشان زهقت وعشان معنديش حد يحللي اي حاجه ولا يقوله لا هي ليها حق برضو عليك كل اللي انا بعمله ده بسبب اني مش واخده اي حق من حقوقي معاه وبيفضل يشوف هو بيحب اي وبيكره ايه لاكن مش مهم انا وهو بيقول ان انا اللي وصلته لكده ومبيطلعش نفسه غلطان ابدا وحاسه انه مبقاش فعلا عاوزني ويقولي انتي مش شبهي ولا انتي ست وبيقولي كلام يوجع اوي انا مش عارفه كل ده ليه ولما بنقعد في قعدة صفا واقوله ايه طيب اللي مش عاجبك فيا يقولي بالعكس كل حاجه حلوة فيكي ويقولي انه كان بيغيظني بس بالكلام بس بيقولي انه بيعوزني اسكت وقت اي مشكله ومرودش عليه واحتويه وووو الخ وانا لما بسكت هو والله بيدايقني اوي وانا مبقدرش استحمل اعمل ايييييييه 😭😭😭😭الله يخليكم قولولي , رايك يهمنا