مواقف: كل الاوقات | النهارده بس | الاسبوع الماضي | الشهر ده | السنه دى

كنت مخطوبه لشخص متدين احسبه على خير وكنت بحبه جدا وانا اللى كنت ببدأ معاه حوار أو اجر شكل واتخانق معاه عشان كان نفسى اقوله وحشتنى بس احنا كنا ماشيين بضوابط الخطوبه ومستنين كتب الكتاب وهو كان كلامه بسيط معايه بس كان ملمح انه بيحبنى وعن طريق بيت شعر او حالات واتس وفيس حصل مشكله بسيطه جه قالى انا مقولتش ليكى حاجه ولا اتسليت بيكى وانتى اللى كنتى بترنى عليا الحمدلله فسخنا الخطوبه بس كل ماافتكر انه قالى كدا احس انى رخصت نفسى بسؤالى عليه وكلامى معاه وبزعل اوى الحمد لله انا عارفه ضوابط الخطوبه كويس بس حقيقى حبيته جدا وفعلا كان بيوحشنى وكنت بقلق عليه كتير هو حسسنى انى حد رخيص اوى وان عادى ممكن اكون كلمت حد كدا غيره يعلم ربنا إن هو أول شخص أحبه واتعلق بيه تعلق شديد كدا الحمد لله اتعافيت وبقا مش فارق معايه ولا بتمنى اشوفه تانى اصلا ، بس اعمل اى فى ثقتى فى نفسى اللى قلت وانى حاسه انى بذلت مجهود ومشاعر مع حد ميستاهلش وعايرنى انى كنت بكلمه وحقيقى مش عارفه اصدق ولا اتعلق بحد تانى ولكن فيه شخص مناسب متقدم ليا وعايزه افرح اهلى وعايزه افرح بردو بس مشاعرى ماتت انا غلطت لما اتعلقت بيه زياده عن اللزوم حسسنى انى واحده بكلم كل يوم شاب وانى معنديش اخلاق ولا دين , رايك يهمنا