مواقف: كل الاوقات | النهارده بس | الاسبوع الماضي | الشهر ده | السنه دى

انا بنت عندي 21 سنة ماعنديش غير اخ ولد عنده 18سنة بعد ما بابا اتوفى من سنة ونص واخويا مستقوي عليا انا وامي جدا من شتايم وحشة وصوته بيبقى عالي جدا والجيران بيسمعوه و ضربني قبل كده لتكسير كل حاجة ينفع تتكسر في البيت كسرها بعد كده بقى يبوظ اي اكل في بيطلعوا بكياسه يحطوا في حلة فيها مياه ويسيبه ع النار و الاكل المطبوخ بيعلي عليه لحد ما يحرقه خالص وده كله بيحصل عند اول لأ تتقاله لما بنبقي تعبانين و اتهدينا من طلباته ومش قادرين نكمل وده بيحصل بمعدل كل يوم تقريبا طالما موجود في البيت انا بدرس وكل يوم يا بمتحن يا عندي تسليم كل لما بيشوفني بذاكر بيشغل الصب ويعليه ع الاخر فطبعا مبطلعش بجملة مفيدة دلوقتي الجديد انه بقى يدخل اوضنا واي حاجة تعجبه بياخدها بالعافية مهما نعترض بيرفض كل انواع العقاب يعني لو مثلا ماما ماديتوش فلوس بياخدها من شنطتها بالغصب او من عندي او بياخد اي حاجة ينفع تتباع من البيت كل رجالة العيلة اتدخلت وكلموه مافيش فايدة تطاول على جزء منهم فقاطعوه و النص التاني شايف ان مافيش فايدة فيه ومش عايزين وجع دماغ وامي رغم كل ده بتخاف عليه جدا ورافضه اي حد يمد ايده عليه او يأدبه بطريقة شديدة وانا اعصابي تعبت منه جدا ومش قادرة استحمله اكتر من كده مع العلم جربت معاه كل حاجة اني اخده على قد عقله بس مع اول لأ لان طلباته مابتخلصش كل ده بيرجع تاني ورافض يروح لدكتور نفساني وشايف انه صح طالما ربنا معملوش حاجة لحد دلوقتي والناس برة بتحبه فالمفروض فيه حل ولا هفضل كده علطول؟ , رايك يهمنا