مواقف: كل الاوقات | النهارده بس | الاسبوع الماضي | الشهر ده | السنه دى

نزلها على صفحة الفيس لو سمحت ضرورى .. انا أعجبت بواحدة فالكلية معايا وكلمتها انى معجب بيها وعايز اتقدملها علطول لأنى عمرى ما كلمت اى بنت وكنت دايما عايز اللى أعجب بيها هى اللى ارتبط بيها واحبها واتجوزها رسمى .. المهم اتفقت معاها ان لو فى قبول ما بينا هطمن عليها عالشات كل فترة واعرفها بنفسي اكتر لأن عمرنا ما تعاملنا مع بعض ابدا .. الموضوع كله شات فقط بدون ارقام تليفون او كلام عالحقيقة حتى .. المهم الدنيا كانت ماشية كويس لحد ما ظهر ولد تانى وقالها انه معجب بيها وبيحبها هو كمان وكان بيروح يخترع اى موقف عشان يكلمها عالحقيقة وكتر الزن بتاعه بقى يتعامل معاها كتير بس فوسط الدفعة مش لوحدهم المهم انا كان بيدايقنى الموضوع ده جدا وكنت بقولها دايما انى بزعل من التعامل ده حتى ولو فوسط الناس وهى الصراحة كانت بتصده وتحرجه كتير بس عشان هى كانت من الأوائل فكان بيدخلها من سكة المذاكرة والورق والحوارات دى .. المهم فضل الحال ده انا اتعامل عالشات من بعيد عشان خايف ان حد يقول عليها كلام ومفيش لسة حاجة رسمى وهو بيتعامل معاها كتير وبيدخلها من اى دخلة .. المهم فجأة الولد ده شك ان في ما بينى ومابينها حاجة فتغير من يمتها تماما وقعد يلقح عنده عالوول عليها ومبقاش يتعامل معاها خالص .. المهم انا فرحت بكدة طبعا وارتحت من الغيرة دى .. وبعدها اتخطبنا واتجوزنا وخلفنا بس للأمانة حياتنا مش الحياة اللى فيها حب اوى دايما حاسس انى انا اللى بحب اوى وهى نادرا ما حس منها بحب وفضلت علاقتنا تتدهور والعصبية والمشاكل ما بينا تزيد .. لحد ما قولت لازم اعرف ايه سبب قلة حبها ليا دى مع انى مش مقصر تقريبا معاها فأى حاجة لا مشاعر ولا حب ولا ماديات الحمدلله .. وفجأة اكتشف انها كانت بتحب 3 قبلى والولد اللى حكيت عليه فأول البوست اللى جه كلمها بعدى وكنت فاكر انها كانت بتصده ومكنتش طايقاه طلعت كانت بتحبه اوى وفضلت تحاول ترجعله بعد ما شك فينا بس معرفتش وكانت بتكتبله بوستات على صفحتها بعد خطوبتنا بتحن فيها لذكرياته ..المهم ابعد كل ده انا عرفت ليه حياتنا مكنش فيها حب من يمتها وللأسف انا لسة بحبها برضه بس مش عارف اعمل ايه ..الواحد اتحط فحسبة صعبة وعرفت حاجات كتير عنها أصعب مكنتش أعرفها وحاسس بالحسرة والخذلان والندم عشان انا جيت على نفسي كتير اوى عشانها , رايك يهمنا