مواقف: كل الاوقات | النهارده بس | الاسبوع الماضي | الشهر ده | السنه دى

نزل من غير اسم يا أدمن لو سمحت انا مشكلتي شبيه لمشكله حد كان منزلها الى حد ما بس بإختلاف التفاصيل انا بدرس ف الجامعة ومتقدملى حد معاه اعداديه لكنه كويس جدا ومحترم وبيصلي وعارف ربنا انا كان ليا تجربة سابقة وللأسف أثرت فيا لكن عرفت اتخطاها بفضل ربنا المهم ف الاول مكنتش مرتاحة او كنت خايفة من الدخول ف تجربة تانية وتفشل …اهلى مش موافقين عليه لأنه مش متعلم وازاى واحدة متعلمة تعليم عالى تاخد واحد مش متعلم فرفضوا وانا كنت رافضة لأني مش مرتاحة لكن انا مش فارقة معايا متعلم او لأ لكن اهلى فارق معاهم الشخص ده اتقدم تاني انا حسيت انى عايزة اديله فرصة واعرفه فصليت استخارة اكتر من مرة ودعيت ربنا انه لو فيه خير يفتح قلبي ليه واقبله وبعدها حسيت انى مرتاحاله وهو ده الشخص اللى هطمن معاه ومن شخصيته لقيت ان دي الشخصية اللى عايزاها لما اتكلمت معاه وانه شخص فاهم وعاقل وتفكيره قريب من تفكيري لكن بابا رفضه تماما والسبب انه مش متعلم ومش شايفه مناسب ليا لكن انا شايفاه مناسب ومرتحاله ومش فارقة معايا تعليمه لأني عارفة ان ياما ف ناس معاهم شهادات لكن عقولهم فارغة اتكلمت معاه كتير وبحاوى اقنعه واقوله اديني فرصة اختار لنفسي واجرب واتحمل نتيجة اختياري واخواتي قالولى احنا هنحاول نقنع ابوكي وانتى اتحملي نتيجة اختيارك فكرت وبعد تفكير قولتهلم خلاص هتحمل نتيجة اختياري وحاولوا يقنعوه لكن هو رافض تماما وبيقولى انتي لسه قدامك الفرص ولسه ياما هتقابلي لكن انا مش عايزة غيره انا حاسه ان ده الشخص اللى هرتاح معاه لكن بابا رافض تماما مع العلم بابا هو اللى اختار لأختي برضوا وللأسف هيا مكنتش عايزاه ومش شايفه انه مناسب ليها لكن هو كان شايف انه مناسب وللأسف الشديد حياتها دلوقتي متدمرة وهيا اتكلمت معاه كتير وقالتله خلي اختي تختار لنفسها وسيبها تجرب لكن هو برضوا مش مقتنع وبيقول انا الل شايف مصلحتها فين وانا الل شايف المناسب ليها اما عنه فهو اخو صحبتي وبيقولها انا هستناها لأخر عمري ومش عايز غيرها تعليمها هشجعها وبالعكس انا عايزها تكمل تعليمها لأن الحاجة اللى اتحرمت منها احب اشوفها فيها وقال الكلام ده لأخويا ومتمسك بيا جدا انا مش عارفة اعمل ايه حقيقي اتمسك بيه للآخر ولا اعمل ايه انا تعبت حقيقي فيدوني , رايك يهمنا