مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم أنا بنت عندي ١٨ ارتبط مره وانا صغيره والموضوع مكملش شهر بعديها قعدت اقرأ كتير عن البنت المحترمه اللي مبتكلمش ولاد واخترت الطريق دا وقررت من كل قلبي اني همشي في الطريق دا عده الوقت وانا بصد اي حد سواء اقارب او تعارف بعدها عرفت ان جارنا معجب بيا هو عندي علي النت ودي غلطه طبعا مني اني اقبله بس كنت صغيره وبعدين لمحلي انه معجب بيا بس انا صديته كالعاده بس الغريب انه مسكتش زي الباقي لأ هو قعد يتكلم شويه وانه بيحترم البنت اللي كدا وانا علي وضع اللامبلاه كل فتره بيدخل يطمن عليا او يقولي كل سنه وانتي طيبه لو فيه عيد او حاجه وبيبقي ردي وانت طيب او كويسه الحمدلله حكيت لواحده صاحبتي بس مستفدش بحاجه انا منكرش اني في سن مراهقه وبنبقي محتاجين مشاعر وبنتعلق بأي حاجه وانا لحد دلوقتي علي مبدأ ومازلت بصده وقولت له كذا مره بس خايفه في يوم من الأيام لاضعف عارفه ان بيت ابويا مفتوح والمفروض يدخل البيت من بابه بس في توضيح اني لسه صغيره واهلي عمرهم ما هايوفقوا ان حد يتقدملي قبل مخلص جامعه ولسه بدري +انا في سن مراهقه ومن خلال قرايتي عارفه ان مشاعري هتتغير وقعدت افكر كتير لحد ما لاقيت ان الحل انه ميكلمنيش لاني كل ما يكلمني بركز معاه وبتلهي عن المذاكره وبحس اني بعمل حاجه غلط لمجرد اني برد عليه وعايزه اركز في مذاكرتي بفكر جديا اعمله بلوك بس متردده عشان لو سألني عملتيلي بلوك ليه او مش عارفه محتاجه حد ينصحني اوي مامته شخص سئ جدا وممكن تطلع عني كلام وحش بس اللي اعرفه ان سمعه الولد كويسه حدا بعيدا عن مامته والله اعلم تنصحوني بأيه ومن غير تجريح وشكرا جزيلا , رايك يهمنا