مواقف: كل الاوقات | النهارده بس | الاسبوع الماضي | الشهر ده | السنه دى

اولا انا مريضه بهاق من وأنا عندي ١٢ سنه انا حاليا ٢١ مكنتش برضى بخطوبه عشان الموضوع ده بس اتقدملي واحد صالونات ووافق اتخطبت ٧شهور وكل ما افتح معاه الموضوع يقولي دي حاجه بتاعه ربنا واتجوزت في ٢٠١٩شهر ٣ المهم الجوازه كان معظمها تحكمات من اهله بس اهلي قالولي هو شاريكي هنعدي وبقو يوافقو على أي حاجه هما بدأو بتانكو علينا مش هذكر تفاصيل المهم بعد الجواز هو اتغير ١٨٠ درجه مش عايزني اكلم اهلي في الفون لو لقى الفون انتظار يجي يفكك الفون وياخده ومفيش مرواح عند اهلك اليوم إلى اروحه رن رن بتعملي انتي فين اكلتي اي مين الي عندكم اسئله كتيرر وشك انتي بره انتي روحي تلفي فين مع ان والله مش بشوف الشارع مره في مره اهلي قالو خالي الفون في هناك تعالى من غيره امي مريضه قلب وانا بنتها الوحيده ليا اخوات ولاد أكبر مني مش متجوزين بعد شهر جواز لقيتني حامل ومن الضرب نزل انا كنت باخد العلاج مع الحمل و مكنتش اعرف المهم العلاج مع النفسيه مع الضرب نزل والدكتور قال مش هينفع علاج مع حمل قولته خلاص هكمل علاج رفض وعايرني بمرضي وقالي انا واخدك على عيبك انا عايز اعمل زي الناس واخلف هو اصلا مش متعلم واخد ٣ابتدائي المهم حياتنا بقت نكد عشان الخلف وفي مره جه كتفني اليدين والرجلين وفمي لما اغمى عليا فكني وبعدها بيومين كان الجمعه إلى هو المفروض اروح بيتنا مرضاش وقفل الفون اخواتي وابويا اجم عملو مشكله وابوه شتمني قدام اهلي وقاله انت لو دايس على دماغها في الطين انت مش عارف تربيها والله لازم تعمل فيها إلى بيتعمل في اختك واخودني هما مكنوش يعرفو اي حاجه الا لما روحت المهم كانو عايزين طلاق وانا مرضتش انا قعدت في شقتي مكملش شهرين وبعد شهر ناس جت تلم الموضوع واتلم فعلا بعد شهر ونص رجعت وياريت مرجعت لقيته بيكلم واحده متجوزه وبيشرب وانا معرفش وبيعد يعيط ويلطم ويترعش وشغل المعايره منتهاش وفي يوم انا عند اهلي امي جالها ازمه جرينا على المستشفى ونسيت اعرفه اتصل يقولي تعالى وسيبها قفلت الفون رجعنا لقيته عامل مشكله مع ابويا ويقوله هي ليها راجل تسأله قبل ما تخرج قاله دي ظروف مش راحه تتفسح المهم وبعدها بيومين كان في فرح عند قريبه وخلاني بت هناك واحنا رايحين اتشاكلنا زقني من على المكنه وقعت على الأسفلت كان ورانا عريبه يودب وقفت قبلي بمتر وانا اغمي عليا والعربيه نفسها اخدتني المستشفى والله كان قاصد يوقعني ولما روحت حلفت على المصحف قدام أهله انه كان قاصد والله مرد نهائي وتاني يوم روحت لأهلي حكيت لهم قالولي مدام أهله كانو معاكي وزعقو له مش هينفع نتكلم ورحت فعلا ومشاكل كتيررررر جه يوم المولد النبوي الشريف وامي جات ليا جابت حلويات وكدا المهم هو شافهم على الطريق وهما جاين جه جرى وراهم وقف بره المهم هما قعدو خمس دقايق ومشو دخل ضربني وشتمني وقالي محدش يجلي بيتي وشتمهم بألفاظ وحشه قدام ابوه وناس قرايبه وهزقني ابوه شتمني وقاله معتش تروح لاهلها والي يجي هنا هعمل فيه كذا المهم انا استنيت بليل خرج على القهوه وانا روحت لأهلي وهو جه يدور عليا كنت حكيت لأهلي إلى حصل المهم هزقوه ومن يومها مروحتش بقالي سنه ورفعه قضيه طلاق هو انا غلطانه مع العلم والله ما كذبت في حاجه وفي و مواقف كتيررر حصلت بس انا لخصت على قد ما اقدر ي ريت رايكو , رايك يهمنا