مشاركة أرسلها المستخدم - مشكلتى ! مشاكل يوميه طبيعيه

مواقف: كل الاوقات | النهارده بس | الاسبوع الماضي | الشهر ده | السنه دى

عاوز ابعتلك فديو لبنوته جميلة اوى عندها تقريبا 9 سنين ، لما هتشوفها هتحس انها ولد من النظرة الاولى لكن هي بنت ، تقريبا اخوها هو اللى مخليها تطلع تمد ايدها بالغصب وشوفت ف ايديها اثار لسعات وسالتها قالتلى انه بيلسعها بمعلقة سخنه ، انا كنت ف المكان اللى هى فيه بالصدفه بقضي مصلحة كدا وربنا حطخا ف طريقي وحطنى ف طريقها يمكن علشان اكون مصدر سعادة ليها ف الكام ساعه اللى قعدتها ف المكان دا ، هو مكان عام ، بالتحديد ف قصاد كشري جحا عند الاستاد ف مكان اسمه المحافظه في سوهاج نفسها مش عاوز اتشهر ولا اى حاجه على قد ما ممكن من خلالكم البنت دى تبقي سعيدة ، لانه ببساطه كانت محتاجه اهتمام وكان نفسها ف حاجات كتير وانا عملت اللى اقدر عليه ، انا هبعتلك صور ليها وفديو انا حتى مش ظاهر فيه ، وانت تنشره بغرض ان اللى من سوهاج نفسها وبيروح المكان دا يدور عليها هناك ويقعد معاها شويه ، هي بتكون هناك ديما من الصبح لحد العصر كدا ، فا لو الموضوع لفت نظرك انا مستنى الرد وشكرا , رايك يهمنا

يناير 9th, 2021

- الشارع -كتبو Hamza