مواقف: كل الاوقات | النهارده بس | الاسبوع الماضي | الشهر ده | السنه دى

النهارده .. المدرب الي بعلمني السواقه ف اول يوم حط ايدو على صدري قولت مش قاصد.. كررها ف نفس الحصه قولتلو مينفعش كدا .. قالي انا بعلمك و مش قاصد عادي المسك ف اي حتا خليكي ريلاكس.. قولتلو مبحبش حد يلمسني، قالي اعتبريني بنت .. قولتلو بس انا مش بحب حد يلمسني.. قالي متتعقديش انا كدا مش هعرف اعلمك.. قولتلو متلمسنيش.. قالي ماشي و كررها ف نفس اليوم بس مقولتش حاجه لحد م الحصه خلصت بس قرفت.. مش عارفه اعمل ايه.. محدش غيرو هيعلمني.. اعمل ايه.. هوا عادي كدا؟ اكيد لاء.. اقول لأبويا ايه، انا الي جايباه، دلتني عليه بنت خالتي و اقنعت ابويا بعد عذاب و لح كتير … ف روحت تاني حصه .. لمسني ف صدري .. قولتلو متلمسنيش .. قالي ماشي.. مسك ايدي و انا بسوق .. قولتلو سيب ايدي .. رجع مسكها تاني وقالي لازم عشان تتعلمي صح لازم افضل ماسك ايدك عشان انتي متوتره.. سبتو يمسكها .. و يسيبها و تاني يمسكها روحت تالت حصه لقيتو بحط ايدو على وركي وانا بسوق.. انا قرفت و حاسا اني ضعيفه و كرهت السواقه.. و لو قولت لبابا هيضربني انا لانو اصلا مكانش موافق اني اجيب عربيه ف هيرجع ف كلامو..وهيقولي عمرك ما هتسوقي… انا عايزا ارد كرامتي بنفسي و مش عايزا اتعلم مع الشخص دا.. بس عايزا اتعلم السواقه اعمل ايه و اقول لأبويا ايه ، هوا ابويا خلاص اقتنع بيه و هوا بيحترم ابويا جدا و ابويا امنلو , رايك يهمنا