مواقف: كل الاوقات | النهارده بس | الاسبوع الماضي | الشهر ده | السنه دى

لو سمحت انا كنت عاوز استفسر من حضراتكم علي حاجة دلوقتي انا 18 سنة ( اولي هندسة ) المهم انا بحب واحدة قريبتي قدي من حوالي 4 سنين طبعا قولت ده مش حب ده إعجاب عادي بس للأسف كان حبي ليها بيزيد اكتر و اكتر و هي قريبة مني اوي يعني من زمان وفي تعامل ما بينا ومن زمان واحنا اخوات بلا شك بس مش عارف انا ليه حبيتها هي و بكل الاحوال انا محبش اني اخسرها بأي شكل من الأشكال ف المهم انا تعبت من كتر حبي ليها فقولت اقولها و والله انا كنت عارف ردها هيكون ايه بنسبة 100000٪ بس قولت لازم تعرف مكانتها عندي ايه و في نفس الوقت مفضلش في التعب ده كتير بس للأسف التعلق بأمل زائف احسن من الاستيقاظ علي واقع مهما يكون و انا دايما اللي بيقفل في وشي باب بقفل في وشه عشرة بس مش عارف في ايه حاسس اني عاجز مش عارف أواجه نفسي حتي عملتلها بلوك قولت هحاول ابعد عنها بقي شوية يمكن افوق لنفسي للأسف احتاجتلها اكتر و رجعت بعتلها تاني لحد ما انا مليتلها والله و زهقتلها بس للأسف الموضوع مش كده ده كله لا ارادي لحد ما زهقت انا كمان من نفسي اللي هو لو قربت منها هتعب و لو بعدت هتعب اكتر وبقيت شايف نفسي قليل اوي قدام نفسي و قدامها انا مش حبيب وكده وامشي اشوف بنات الناس و انا هحب دي لا احب دي أو دي مش كده بس القلب اللي بيشوف و للأسف رفضها ليا ده خلاني اتمسك بيها اكتر لحد ما زهقت و مليت من حبي ليها و في نفس الوقت هي لو قالتلي وانا كمان بحبك مش هقولها خلاص اشطا يلا تعالي نرتبط وكده و مش هفرح ولا اقولها وانا كمان بحبك لأن قلبي هو اللي عاوزها و عقلي بيقول مستحيل تروح للي رفضتك في صراع كبير انا مش قده وفي نفس الوقت انا استنفذت كل طاقتي في حبها و هي بتتعامل معايا بإيجابية جدا. وانا الحمدلله قريب من ربنا جدا و مهتم بدراستي و انا اتمني لها كل خير من كل قلبي عاوز ناس بتفهم اللي تقول رأيها او يكونوا مروا بحاجة زي كده و اسف علي الإطالة , رايك يهمنا