مواقف: كل الاوقات | النهارده بس | الاسبوع الماضي | الشهر ده | السنه دى

النهارده جالي وظيفه شغل بالمناسبه انا متجوزه ومستقره وحياتي حلوة الحمد لله وجوزي اخته الكبيره متجوزه برده بس حياتها مش مستقره اد كده واطلقت مرتين المشكله بقي انها من ساعه ماعرفت ان انا هشتغل وجوزي هيشتغل وهي زي ماتكون مستكتره عليا اني ابقي احسن منها بنظراتها و طريقه كلامها واكتر حاجه مديقاني انها بتدخل ف تفاصيل شخصيه وحاجات متخصهاش زي مثلا هتعملي اي بالمرتب .. حالتك هتبقي حلوة اهي و لما اقولها مثلا هجيب حاجات شخصيه عشان مصروف جوزي ع اد البيت بس تتغمز هي وحماتي واختها التانيه وحماتي برده مش طايقه مش عيزاني ابقي احسن من بنتها وده بحسه بكلامها .. المهم ياجماعه انا عايزه طريقه اخليها متدخلش ف حياتي وتشيلني من دماغها شويه وتبطل نفسنه مني او اتعامل ازاي معاهم انا عاوزه اعيش مرتاحه وبعيد عن المشاكل هما اللي مش مريحين , رايك يهمنا