مواقف: كل الاوقات | النهارده بس | الاسبوع الماضي | الشهر ده | السنه دى

النهاردة انا مش عارف اقول اية ولا ابدا منين الحقيقة بس انا تايه جدا ووحيد ومليش حد اتكلم معاه ولا يحس باللى جوايا معنديش أصحاب او قرايب حتى ف الكلية معرفش حد نهائى حاسس انى بقى عندى خوف شديد انى اتعرف ع ناس جديده بحاول اتجنب المشاكل ع قد مقدر لانى وحيد ومعنديش حد يقفلى اويسندنى مش عارف بحس انى حوار نزولى من البيت وخروجى من المكان اللى انا قاعد فيه هم شديد وكبير ع قلبى حاسس دايما بوجع ف قلبى وخنقه ف صدرى مش بنام كويس ممكن اقعد 12ساعه بحاول انام ومش بعرف انام دماغى شغاله تفكير مش قادر اوقف دماغى وطبعا ده معكوس ع صحتى وجسمى وتركيزى حتى التركيز البصرى لدرجه ان الحاجه بتكون قدام عينى بالمعنى الحرفى مش بشوفها مش قادر ولا عارف اذكر ف حين انى زمان كنت شاطر وكويس ف الدراسه اغلب الناس اللى من دفعتى حصلت مشاكل معاهم والبعض التانى كان بيسمع كلام البعض الاول ف بطلع وحش والناس بتبعد عنى انا بقعد بالشهور موبايلى مش بيرن ولا حد بيسأل عليا اطلاقا فكرت اشوف طبيب نفسى ع النت اتكلم معاه لانى مش هقدر اعمل ده ف الواقع لانى جربت قبل كده وكانت محاولة فاشله بس ملقتش حاولت اتصاحب ع ناس واخرج بس كل مره بفشل وبفشل ف كل حاجه تقريباً انا مش عارف اوصف حالاتى بايه حتى ذاكرتى اتاثرت بده بنسى بسرعه جدا احداث حصلت ف نفس اليوم مش بعرف افتكرها مش ببقى عايز امشى لوحدى ف الشارع عايز حد يتقل قلبى يكون جنبى ف ناس بتستغل انى مش برد عليهم قلة ادبهم عليا وبعمل مش سامع وبطنش وبيزودها جدا ناس كتير قلتلى بسبب طيبتك وكده حاولت ادور ع شغل ملقتش حتى شغل النت مش مضمون وعايز امكانيات مش متاح بالنسبالى ومش هينفع اشتغل اى حاجه بسبب انى بتعب من اقل مجهود وعندى مشاكل ف ضهرى انا بحاول اكافح واعمل اى حاجه بس مش قادر معنديش قوة ولا اراده تطلع من جوايا تقوينى وتسندنى انا حرفيا بقضى يومى بالعافيه اتعرض لخذلان شديد من كل الناس واهلى محدش بيحس بيا وكل متحصل مشكلة بيقولو ان انا السبب انا حتى مش ببقى اقدر انزل اعمل زياراتى ل قرايبى لما الناس المعارف اللى حواليا بيحتاجه حاجات منى احيانا مش بتاخر عنهم بس لما يحتاج حاجه مش بلاقى حد انا مش طمعان ف حد ولا عايز حاجه من حد بس عايز حتى القى حد اتسند عليه او يوم يبقى نفسى اتكلم او مخنوق عايز انزل القى حد جنبى من كتر وحدتى خايف اموت لوحدى وملقيش حد يدفنى او يصلى عليا او يجى يعزى فيا انا حتى معنديش طاقة ولا قوة انى افقد حد من اهلى مش هستحمل فيهم اى حاجة ومش عارف حالاتى هتبقى اسوء من كده اية انا بتمنى انى اقدر اسعدهم واعملهم اى حاجه تفرحهم واعيش زي باقى الشباب واخرج وادخل واهزر واضحك بس مش لاقى حد يساعدني ولا حتى نفسى مساعدنى حاسس انهم بقيو بيذلونى كل متحصل حاجه يقولولى خليك انت قاعد وقافل ع نفسك حاسس انى بتعاير ببقى ماشى بهرب من عيون الناس تايه جدا ومش عارف اعمل ايه لدرجه انى حاسس انى ممكن يكون معمولى عمل ليا او ل اهلى او كده انا بصلى الحمدالله وبحاول اقرب من ربنا ع قد مقدر وبدعى ع قد مقدر بس انا مش بحس ب اى تحسن اطلاقا انا ليا سنين متضحكش من قلبى بحاول اضحك قدام الناس وابان عادى بس انا غير كده تماما فى مشاكل ف كل صغيره وكبيره بالمعنى الحرفى ف حياتى وانا من النوع العصبى بتوتر بسرعه ثقتى ف نفسى مهزوزه ومش بعرف اوصف ولا اعبر عن اللى جوايا يمكن وانا بكتب بعرف اعبر شوية بتكسف جدا لدرجة صعبه مفيش شاب او راجل بيتكسف كده انا بتكسف لدرجه انى ممكن اجى ع كرامتى او صحتك ف المواقف عشان مردش او عشان استنى اخش ف معادى عند الدكتور مش بحب اعمل مشاكل مع حد بس المشاكل ورايا ورايا ف حد قلى كلمه زمان كنت لسه يعتبر طفل كلمه مش قادر انساها لحد النهاردة الكلمه هى انى هموت ي قاتل ي مقتول مش عارف الكلمه دى اتقالت ليه بس مش بتسيبنى بدعى دايما ان ربنا يحسن ختامى لدرجه انى من كتر اليأس بكتب ف شات الالعاب للناس تدعيلى لو حد من المشاهير منزل ask بطلب منه يدعيلى ويخلى الناس تدعيلى بس اكيد محدش كان بيرد عليا طبعاً بخاف اتكلم كل م احاول ابدا بداية جديده بتحصل حاجه تهدنى توقفنى انا مش شايف اى نور ف الحياه كل اللى كنت بحلم بيه والناس اللى كنت بحبها راحت منى حلمى مليش نصيب فيه الحمدالله والناس بيبعونى ومحدش بيحبنى بيكرهونى بمعنى اصح كره كره مش حتى مش فارق معاهم انا نفسى القى حل دورت ع حاجات تلهينى مش لاقى ومش لاقى حد اتكلم معاه او حد يساعدنى الناس بتحاسبنى ع مبدئي وحاجات مينفعش اتنزل عنها ناس كتير بتفهمى كلامى. غلط بردو انا تعبت ومش قادر استحمل بس مش عارف اعمل اية انا كان نفسى اقدر اساعد ابويا ف حاجه تبع البيت واكون جنبه اكتر من كده ول امى كذلك بس انا حرفيا مش قادر ومش عارف كل مببقى عايز ف حاجز جوايا بيمنعنى عندى احساس بالحيره ف اقل القرارات وقدرتى ع اتخاذ قرار ضعيفه جداً ده غير حلد الذات اللى مش عارف اوقفه والندم ع كل كبيره وصغيره ع اى موقف عابر ع اى حد قالى كلمه ومردتش عليه بسبب انى مش قادر ارد او مش عارف ارد اقول إيه مش عارف انا حاسس انى بخاف اوجه وبهرب من اللى بيقابلنى حقيقى مش عارف احدد اى حاجه جوايا بمر بمراحل وبحس بحاجات صعبة جدا عمرى مكنت اتوقع ان ف سنى ده احس بيها الحمدلله على كل حال انا عارف ان رسالتى طويله وممكن متتقريش ومحدش يشوفها بس انا نفسى ف حل والكلام عمره مهيوصف اللى انا حاسه من قهر وتعب اتمنى ان محدش يتريق عليا هنا كمان وانى القى حد يدعيلى او يساعدنى بنصيحه ربنا وحده العالم بحالى.. اسف ع الاطاله..متشكر , رايك يهمنا