مواقف: كل الاوقات | النهارده بس | الاسبوع الماضي | الشهر ده | السنه دى

كان في بنت قاعده لوحدها كده الفصل كله بيكرها علي حد قولها و محدش بيطيقها و انا علشان كنت اجتماعيه اوفر و كده مكنتش بحب اشوف حد لوحده كنت بصاحب الناس اللي بتقعد لوحدها فصاحبت البنت دي و دخلتها شلتي و انا بقي مطيقتهاش خالص ولا مامتي البنت الحقد و الغل مني مش طبيعي رغم اني عرفتها علي صحابي و كده انما علي طول حاسه بنقص كده و عايزه تاخد حياتي يا بختك عندك صحاب يا بختك انتي بشعرك انا محجبه يا بختك بتسافري مع اهلك كل حاجه بصالي في حياتي المهم يشاء القدر و رغم كل الخناقات دي الا بقيت البنات يصلحو و انا اقول حرام ملهاش صحاب طول الوقت انا حاسه منها انها عايزه تاخد صاحبتي الانتيم تيجي تقعد في النص تضايق لو خرجنا من غيرها عايزه تحشر نفسها و خلاص هو دايما بتحاول توقع بينا بس احنا كانت صداقتنا قويه لدرجه مش بنتخانق بالسنين كانت بقي لان حصل مشكله مع البنت اللي مبطيقهاش دي كنا خارجين في راس السنه و روحنا كافيه و هي كانت معهاش فلوس و بكل بجاحه طلبت اغلي حاجه في المنيو و احنا اللي حاسبنا و فلستنا و حصل مشكله علشان عايزانا نوصلها بيتها باوبر و بعدين نروح و انا قولتلها لا اركبي لوحدك طريقك غيرنا و لو علي الفلوس استخدمي الكريديت كارد بتاعي فردحتلي في الشارع و شتمتني شتايم قذره و انا معرفتش ارد عليها و صحاب اختي هما اللي بقو يردو المهم هي وصلت للي هي عايزاه يعني و خدت مني صاحبتي لانها قومتها عليا لان بعد الخناقه انا اتضايقت جدا من موقفها السلبي في عدم الدفاع عني و هي انضايقت اني دخلت حد و انا مدخلتش حد هما اتدخلو لانها كمان شتمتهم ف خلت النفوس تشيل من بعضها انا دلوقتي مش عارفه انام بقالي 7 ايام بسبب الاهانه اللي اتعرضتلها فانا بفكر بقي اتصل اشتمها و اقولها اني كنت بكرها طول الوقت ده و اقولها كل اللي في قلبي بقي بس انا خايفه تنام معيطه و تبقي انا جرحتها بزياده و تدعي عليا ف ربنا ينتقم مني انا انا بسهر ادعي عليها و بدعي عليها في كل ركعه انا بجد مضايقه اوي و عايزه اخد حقي و عماله اقول. اكيد ربنا هيجيبلي حقي بس عايزه برضو ارد علشان انا هفأ اوي قدام نفسي انا عمري ما كنت سلبيه كده فياريت حد يقولي هل انا اتصل بيها اشتمها و اجرحها بالكلام زي ما عملت و تبقي واحده بواحده ولا اكتفي بالدعاء عليها و اقول حسبي الله و نعم الوكيل , رايك يهمنا