مواقف: كل الاوقات | النهارده بس | الاسبوع الماضي | الشهر ده | السنه دى

ياريت تنزلوها بدون اسم…. انا مخطوبة بقالى 4شهور وخطيبى طول الفترة دى كان عادى مش بيشغلو اوى لو رايحة عند واحدة صحبتى يعنى كان عادى مش بيتضايق… لكن دلوقتى انا فيه واحدة صاحبتى هى بقت عايشة فى بلد تانية غير البلد بتاعتى… ومش بتيجى غير كل 3 شهور مرة… وبشوفها بالعافية… وعندها مشاكل كده ماينفعش تسيب البيت… وانا قلت لأهلى وموافقين اروحلها عادى… وقولتله عشان اعرفه انى رايحة قاللى انا مش عايزك تروحى عند حد… وانا مبحبش حد يتحكم فيا كده.. وعايزاه يعرف ان دى اختى واقرب ليا من اخواتى كمان… انا مليش غيرها فى الدنيا بس هو غير رأيه فى الاخر عشان مايزعلنيش وقاللى خلاص روحى .. بس انا مش عايزاه يبقى متضايق كده.. و فى نفس الوقت عايزاه يتقبلها فى حياتى… عشان دى هتفضل معايا طول عمرى . وخايفة هو يجبرنى ابعد عنها بعد الجواز .. 😔😔 , رايك يهمنا