مواقف: كل الاوقات | النهارده بس | الاسبوع الماضي | الشهر ده | السنه دى

ياريت تنزلها علي الفيس في البيدج بدون اسمي ، انا طالب في تالته ثانوي ابويا مدرس ساكنين في بيت عائله ابويا مش بيكلم امي من سنين كتير انا كنت بستغرب جداً لما بيكلموا بعض ابويا انسان عصبي جداً بيحب نفسه بخيل جداً انا بشتغل في الاجازاه بدأت شغل في ٣اعدادي بشتغل ٣او٤ شهور في السنه وشغلي بسافرله علشان احنا من الصعيد ابويا مش بيدي اي حد من اخواتي او امي مصروف بيجيب اكل بس في البيت انا حاليا متحطم نفسيا مليش شقه جاهزه او بيت علشان اعمل في شقه مش بيديني مصروف وانا في تاته ثانوي الفلوس بتاعتي خلصت علي الدروس والمعيشه بتاعتي مش بيجبلي ملابس ابداً محدش فينا بيعرف يتفاهم معاه لما خلصت فلوس بطلت اخد دروس بطلت اذاكر اتحطمت نفسياً لو قعد احكي عليه ١٠٠ سنه مش هخلص من عمايله فحبيت اقوله مشكلتي يمكن اصعب عليه ويديني مصروف وانا مصروفي اسبوعياً ٢٠٠ج علشان الدروس وكدا فقولتله انا عايز ١٥٠ بس فضل يقولي انت فاشل مش هتنفع نفس الكلام اللي قاله لاخويا وخلاه فاشل فعلاً بقا بيشرب مخدرات وبقي مش في وعيه نفس الكلام اللي قاله لعمي الصغير وخلاه ساب المدرسه في تالته ثانوي بس انا اتحطمت نفسياً مبقتش عارف اعمل اي فقولتله خلاص مش عايز فلوس بس هسافر وهشتغل فضل يشتمني وبهدل كرامتي وانا مشكلتي حالياً اسيب المدرسه واسافر اشتغل علشان اعيش ولا اعمل اي زهقت اقسم بالله وهو معاه فلوس المشكله وبخيل جداً بقيت حيران ياريت حد يعتبرني ابنه او اخوه ويقولي حل من الحلين دول اسافر واسيب الدراسه ولا اكمل دراستي من غير دروس وافضل معاه علي نفس سكته دي. ياريت تقبل يا ادمن نزلتها كذا مره وانت مش بتنزلها فيس ياريت تقبل ضروري , رايك يهمنا