مواقف: كل الاوقات | النهارده بس | الاسبوع الماضي | الشهر ده | السنه دى

دلوقتي انا متجوزه عن حب و بقالي اربع شهور وساكنه في بيت عيله وكنت بنزل اخدم حماتي بكل حاجه وبعد فتره من جوازي عرفت اني حامل فا مبقتش اقدر اعمل حاجات كتير ف البيت عند حماتي زي ما كنت بعمل الاول بقيت بعمل بس أللي بقدر عليه بسبب تعب الحمل وخصوصا اني بدرس وبعد دا كله حماتي قالت عليا كلام وحش وشتمتني قدام جوزي بكلام وحش وكل دا عشان شايفه اني بدلع ومش بعمل حاجات البيت كلها مع العلم عندها بنت متجوزه وبنت تانيه قاعده معاها ورغم كده كنت بعاملها كويس ودايما بحترمهم كلهم ف الاخر حماتي بتقولو طلقها وانا اجوزك علي مزاجي انا وفي الاخر بعد الاهانه اللي اتقالتلي من حمايا وحماتي عايزني انزل اتعامل معاهم واخدمهم لا وكمان انزل اعتزرلهم ونا معلمتش حاجه ولا غلط ف حد وهو قالي اني امو بتكرهني فانا هتعامل معاها ازاي طب قولتلو مش هقدر انزلهم ونا ف حالي كدا احسن راح قالي طالما هتنعزلي لوحدك عنهم يبقا مش هنكمل مع بعض وحاطط نزولي واني انزل اعتزرلهم ع حاجه معملتهاش قصاد طلاقنا وكل واحد يروح لحالو فانا مش قادره اتنازل عن كرامتي اللي اتهانت دي انا مكنتش عايزا يقاطع اهلو ولا حتا يتخانق معاهم بلعكس انا مش حبه ده انا كان نفسي يبص لبيتو وميخسرش حياتو عشان اهلو بلطريقه دي مع اني كنت بعاملهم كويس وللاسف مفيش فايده هل كده انا ينفع اكمل مع شخص بيقولي انا مستعد اخسرك انتي وابنك ولاني اخسر اهلي هل دا كدا عدل باللي هو بيعملو دا , رايك يهمنا