مواقف: كل الاوقات | النهارده بس | الاسبوع الماضي | الشهر ده | السنه دى

كنت بحب بنت محترمه جدا من سنتين وهي كمان قالتلي انها بتحبني، وكل اللي كان بيحصل اننا كنا بنتكلم كلام سريع يعني مفيش تليفون ولا الكلام دا كنت بكلمها وهي رايحة المدرسه بس وعمري ما فكرت اني اخرج معاها عشان عارف ان دا بالنسبه ليها غلط ومره كنت واقف معاها على الباب بكلمها وقلتلها كلمتين حلوين المشكله ان امها كانت واقفه ورا الباب وسمعتني وقالت لاخوها واخوها اتكلم مع اخويا وكان شكلي وحش واخوها شافني بعدها فشارع كنت عايز اروح اعتزرله عن اللي عرفه بس مقدرتش وبعد حوالي شهر رجعنا نتكلم تاني واللي عرفته انها قالت اني كنت برخم عليها وساعتها حمدت ربنا انها اتصرفت كدا وبعد كدا بفتره لقيتها متغيره واللي حسيته ان امها ضغطة عليها عشان تبعد عني ولما لقيتها كدا بعدت عشان ميحصلش مشاكل ونتعب واخدت وعد على نفسي اني اتقدملها بعد مخلص تعليم واكون نفسي انا كدا بقالي سنه عمري ما اتعرضتلها ولا كلمتها غير اني بشوفها فالشارع، وخايف لتكون المده دي نستها بس انا عمري ما نسيت ولا حاولت لاني بحبها جامد، بس المشكله حاسس ان امها واخوها بيكرهوني وخايف اسبب لنفسي احراج ويرفضوني بسبب اللي حصل لما اجي اتقدملها ومع ذلك ابوها راجل محترم جدا وكانت معاملته ليا كلها زوق. انا حاليا ف تانيه جامعه وبعد الايام لحد ما ييجي اليوم اللي بتمناه بس حاليا مقدرش اخطب ولا هما هيرضو عشان بالنسبه ليهم هي صغيره على الخطوبه وخايف افضل ساكت تضيع مني هي دلوقتي ف أولى ثانوي فياريت تنصحوني اعمل ايه واسف لو طولت فالكلام وشكرا للناس اللي قرأت ياريت ترفعها على صفحة الفيس ودا اليوزر بتاع الفيس : MaNNoVIP , رايك يهمنا