مواقف: كل الاوقات | النهارده بس | الاسبوع الماضي | الشهر ده | السنه دى

ياريت كلامي يتقرا للاخر انا فعلا محتاجه مساعدتكم انا مخطوبه بقالي سنه لواحد انا وهو بنحب بعض من سنتيين وشويه وطول السنتين دول كنا زي الفل هو دخل الجيش قبل ميخطبني فضل كام شهر وجه قرا فاتحه واتخطبنا وهو جيشه سنتيين تمام ..ملحوظه قبل ما اكمل كلامي انا اعرفه من وانا ف اولي ثانوي ودلوقتي المفروض ف اولي كليه …انا وهو اتخطبنا بس من اول الخطوبه ما تحصل وفي مشاكل واهله مش عايزني اروح كوافير ولا نعمل خطوبه وتبقي عائليه وف نفس الوقت انا الكبيره ونفسي افرح اهلي ..المهم انا تنازلت عن حاجات وجبت فستان الخطوبه من معايه وابويا عملي خطوبتي وهما كانو عايزينها عائليه عشان ميدفعوش حاجه وجايبلي دهب بخمس الاف جنيه وده بالنسبالنا حاجه قليله اوي بس وقفت معاه وقبلت بيهم يوم الخطوبه اهلوا اتخانقوا مع بابا بسبب ان احنا مقدمناش لضيوفهم جاتوه ..بس ده بسبب ان بابا فاتته انه يجيب طباق للجاتوه ف بعت يشتري واللي كان بيشتر اتاخر ففكروا ان احنا مش عايزيين نقدم لضيوفهم جاتوه وخطيبي سابني ومشي يوم الخطوبه واتكسر بخاطري ولما كلمته ف التلفون قالي انتي مش شايفه ابوكي عمل معانا اي وكان بيتكلم ب اسلوب وحش ..بعديها فضلت اتحايل علي خطيبي يتصالح مع بابا واتصالحو وبعديها كل شويه يتخانق معايه علي حاجه. هو مش مكمل تعليم ومش راضي يخليني اخش كليه مع اني جايبه مجموع عالي وسكت ..والشقه بتاعتنا كنت عايزه اعدل فيها شويه حاجات يقولي مش هينفع …اقوله انا عايزه احط صورتي ع الفيس وبعرفك عشان متقولش بعمل حاجه من دماغي مرضاش ..اقوله النيش بقا حاجه قديمه نحط بداله مكتبه او اي تعديل ف الديكور مش راضي ..انا تعبت بسببه اوي مش حاسه انه بيدعمني هي كده مشكلتي تافهه+عايزه اسيبه بسبب تحكماته بس انا بحبو وخايفه ملقيش حد يحبني زيه ب الذات اني معقده من الرجاله افيدوني افادكم الله , رايك يهمنا