مواقف: كل الاوقات | النهارده بس | الاسبوع الماضي | الشهر ده | السنه دى

يا جماعة أنا بحب واحد جدا وهو كمان بيحبني وأهله عارفين أن هو بيبحبني وكدا وعلاقتنا حلوة وأن شاء الله قريب هيبقا في خطوبة واهلي كمان عارفين بس لسه أهله متقدموش رسمي تمام…المهم الموضوع كله ماشي تمام وكل حاجة هو يبقا زميلي ف الجامعة وكدا وأنا عندي واحدة صحبتي وقريبة مني جداا ف أنا عرفتهم علي بعض وكدا من باب أن أنا بحبهاا جدا زي أختي وكنت عايزة أكون معرفاه كل حاجة عني وكدا ف صحبتي لقتهاا عمالة تتلزق فيه بس ده بعد ما عرفتهم علي بعض بفترة كبيرة وكدا وطريقة كلامها اتغيرت معاه جدا وبقا كلامها كله يا حبيبي ويا روحي وكدا وبقت تتكلم عليه معايا حتي لو فضلنا طول الليل نتكلم مبتتكلمش غير عليه هو وحبته أوي وسجلته عندها ب روحي ف سالتها عملتي كدا ليه وأنتي بتتكلمي معاه كدا ليه قالتلي أنه زي اخوها بس أنا شايفة غير كدا خالص مع العلم أن هو كلامه معاها محدود جدا ومبيحبش يتكلم معاها أصلا عشان أنا مزعلش والكلام علي قد السؤال حتي هيا ملاحظة أن طريقة كلامه وحشة بس هياا حبته أوي واتعلقت بيه وأحنا خطوبتنا هتكون قريب وأنا خايفة بعد ما يكون في حاجة بينا رسمي تخرب الدنيا عليا وهيا صحبتي وعشرة عمري وأنا مش عارفه أعمل إيه ومش عايزة اخسرها… ساعدوني بالله عليكم , رايك يهمنا