مواقف: كل الاوقات | النهارده بس | الاسبوع الماضي | الشهر ده | السنه دى

انا مخنوووقه واكتر من مخنوقه انا ميته من جوايا انا لوحدى اوووى حتى وانا وسط الناس انا مليش اخوات ولا اصحاب وده بسببي لان نص اللي بقابلهم عندهم غيري كتير وانا بالنسبالهم هوا مش مهمه اصلا اوبيبقو عايزنى حب امتلاك انى ابقي صحبتهم هما وبس بمعنى انهم لو زعلانين من حد انا كمان ازعل منه ولو ليهم حد كويسين معاه انا كمان احبه واتعامل معاه وده طبعا ينطبق عليهم هما بس يعنى العكس مش صحيح أنا مليش نفس حريتهم دى اما بالنسبة للنص التانى بيحبونى عشان انا مخزن اسرارهم وعشان هاديه وبستحمل ومبتعصبش وبعدى ومبعلقش ومبشتكيش لو حاجه من تصرفاتهم معجبتنيش او ضايقتنى ولما جربت انى ادى رد فعل واحط حد للموضوع ده بقيت انا وحشه ومبراعيش مشاعرهم وبفهمهم غلط ومبدخلش جوه نواياهم اللي دايما بتلمع وانا الظالمه المفتريه فبعدت وع الرغم من أن الوحده متعبه وعذاب انى افضل ٢٤ ساعه ساكته ولوحدى واهلي كل حد منهم في العالم بتاعه حتى وهما معايا ولو اتكلمت يبقي لازم نتخانق ولو هما اتكلمو مع بعض يبقي لازم يتخانقو البيت كئيييب اووى ونادرا لو بقينا كويسين مع بعض للحظات مبتكملش كل ده ع فكره انا متعوده عليه من وانا صغيره مش جديد بس كنت بعوض ده كله ب انى انا وماما صحاب وبنقعد نتكلم ونفضفض دلوقتي من ساعه مابقت ع المعاش وهى كمان بقت مخنوقه من قعدت البيت والروتين والملل اللي احنا فيه وبقي كل كلامها فضفضه عن مشاكل جايه او حصلت زمان ولسه فكراها من الاخر لما قعدنا مع بعض ع الرغم من ان دى اللحظه اللي كنت بتمناها انها تقعد من الشغل بقا ويبقي لينا وقتنا مع بعض الا ان من ساعه ما ده حصل وخصوصا انه صادف ان انا كمان قعدت من شغلي في نفس الوقت اكتشفنا اننا عكس بعض في كل تفكيرنا واراءنا وازواقنا وده مخلينا ع خلاف دائم ودى اكتر حاجه محسسانى انى حرفيا بقيت لوحدى انا بدعي ربنا كتير والله ان الغمه دى تتشال وانزل شغل وارجع للحياه تانى وربنا يرزقنى بشريك حياه يشاركني كل تفاصيل حياتي ويومي ويعوضني عن اللي انا فيه ده انا بدعي ربنا يحيني من جديد بس للاسف غالبا مش مكتوبلي الراحه في الدنيا كل ما دا الدنيا بتقفل وبدل ما كنت قاعده بمزاجى بقي غصب عنى وجت الغمه ع العالم كله وقفلت انا مش عارفه ربنا مش راصي عنى ولا هو مأجلي حياتى الحلوه فوق انا مبقتش فاهمه ولا عارفه اي حاجه والله انا بقرا سوره البقره وياسين كتير بس مفيش اى بؤره نور او امل وانا تعبت اوى والله اسفه انى طولت عليكم اووى كده بس غصب عنى مليش حد افضفض معاه ( ادعولي يمكن دعاكم يستجاب ويبقي سبب لكشف الغم من عليا ) , رايك يهمنا