مواقف: كل الاوقات | النهارده بس | الاسبوع الماضي | الشهر ده | السنه دى

مرحبا بدي أحكي مشكلتي، يمكن ما تلاقولي حل بس عالقليلة بفضفض. أنا بنت عمري21 سنة عمري ما صاحبت حدا نهائيا، مش جو حب وهالهبل، قصدي صداقة، 12 سنة بالمدرسة ما كان عندي أي صاحبة في زميلات بس ما في صحبة، يعني بالعطلة ما كان حدا يحكي معي بالمرة، وبالجامعة نفس الشي، يمكن أنا غلطت بإني سلّمت للأمر الواقع من أولها وما جربت أتعرف على أي حدا وأصاحبه يمكن هالإشي خجل أو ضعف شخصية أو إحساس بالنقص أو ما بعرف والله. المهم بمرة دخل حياتي شخص أصغر مني بسنتين تعرّفنا عالإنستا ساعدته بالتوجيهي وشوية شوية صرنا أكثر من إخوة، سنة ونص ظل معي كانوا من أحلى أيام حياتي، فجأة تغير كثير معي: صار يدوب يسأل عني بعد ما كان يزعل مني إذا غبت كم ساعة، بطّل زعلي يفرق معه بعد ما كان يراضيني لو مش غلطان، بطّل يحكيلي شي عنه ويحكيلي تتدخّليش بعد ما كان يوثق فيي ويحكيلي كل تفاصيل حياته وياخذ رأي بكل شي، بعد ما كان يزعل إذا مزحت وحكيتله بدي أبطّل أحكي معك صار يحكيلي بدك تظلّي ظلّي بدك تروحي على راحتك والله معك . بالأول حكيت يمكن عنده ظروف أو متذایق من شي معين، صبرت تقريبًا شهر بس على نفس الوضع، ولما أحكي معه بحكيلي هاد الموجود وانتِ حرة. أنا تعلقت فيه كثير والله وحبيته جدأ واعتبرته زي أخوي الصغير وأكثر، حاسة حالي ذلّیت حالي كثير ليظل معي وتمسكت فيه وهو ما بدّه، كل ما أحاول أبعد برجع ببعثله، ما عندي حدا غيره ولا بتوقع يكون ، شو الحل ؟! , رايك يهمنا