مواقف: كل الاوقات | النهارده بس | الاسبوع الماضي | الشهر ده | السنه دى

بص انا شاب عندي 21 سنه بدرس شيء كويس فاضلي سنه واخلص .. وهكمل بعد كدا دراسات عليا سنتين كمان لتحسين مركزي الوظيفي و ارتاح شويه ف الشغل .. المهم انا حاليا دخلي انا اللي بحدد علي حسب شغلي يعني ممكن لو انا حابب اشتغل واتعب شويه ممكن يوصل ل 4000 و 5000 و ف ايدي اشتغل كدا اي كلام لكسر الروتين وعشان اجيب مصروفي 2000 مش اكتر الامر ف ايدي وانا اللي بختار وبراحتي .. انا حاليا واخدها انتخه وحرفيا زي الحوامل نايم علي ضهري طول النهار و باليل غالبا ع القهوه مبعملش حاجه بروح الشغل 4 مرات ف الاسبوع اجيب مصروف الشهر الجاي وخلاص عشان انزل اصرفه بردو مبعملش اي مصلحه حرفيا مانتخ جامد ووزني زاد كمان عديت ال 120 بعد ما كنت تحت ال 90 عايش اشتغل واصرف اللي اشتغلت بيه ،، عايش ل دلوقت وبس معنديش اي دافع اعمل اي مصلحه نهائي حتي شقتي اللي المفروض هتجوز فيها مش قادر اشتغل عشان ابداء فيها هي كدا كدا الارض موجوده .. المهم بقالي فتره عمال يجي قدامي ف التايم لاين ان جوزوا عيالكم شباب واربطوهم بالمسؤليه من صغرهم وكدا والبوستات اللي من النوع دا .. هل انا فعلا لو خطبت دلوقت هيبقا عندي الدافع اني اشتغل واحوش للجواز وكدا ولا لا بس الفكره اني حاليا مش بحب ولا حتي بكراش علي حد م الاخر كدا وحيد بائس وجات ف دماغي فكره اني اخطب صالونات و الحب هيجي بعد كدا لوحده والشغل دا بس انا مش مقتنع وخايف اخطب واحده مبحبهاش علي اساس ان الحب بيجي لوحده وميجيش بعد كدا وابقا ظلمتها معايا لاني كدا هبقا استخدمتها ك محفز ليا مش اكتر ف فتره من فترات حياتي عشان يبقا عندي هدف و بعد كدا محبتهاش وطبيعي مش هتجوز حد محبتهوش وانا من النوعيات اللي مبحبش اظلم ولا اذي حد ولو كسرت قلبها انا حرفيا هفضل عايش بالذنب دا طول حياتي وهفضل فاكر اني كنت مش راجل مع حد وثق فيا وامني علي نفسه .. عايز رئيكم اسيبها علي ربنا واخد الخطوه دي وهتبقا حاجه كويسه ولا افضل قاعد مستني حد احبه وزي مايكون بكره بعد سنه بعد 3 سنين مع العلم ان بحتك ببنات كتير علي مستوي شغلي وحياتي ودراستي بس ربنا يعلم ان عمري مابصيت لوحده ولا حتي ليا ف سكك الشقط ولا الحك و شغل اطفال اللي كنا بنعمله ف الاعدادي دا خالص انا اسف انا طولت عليكم بس بقالي كام يوم عندي ارق بسبب الموضوع دا ومش عارف احكم ولا عندي صاحب يكون رئيه ثقه وابويا وامي ببنا يديهم الصحه ويخليهم يارب كدا كدا هيتريقوا زي ما طول عمرهم بيعملوا , رايك يهمنا