مواقف: كل الاوقات | النهارده بس | الاسبوع الماضي | الشهر ده | السنه دى

من غير اسم ولا صورة لو سمحت . انا في 3 جامعه وبحب واحد جاري هو في البلد اللي جمبنا هو أكبر مني بسنه نفس الكليه بتاعتي ،وعيشتهم وحالتهم الاجتماعيه زينا بالظبط بس حالتهم الماديه كويسه الي حد ما عننا بس مش كتير يعني ،المهم إن هو بيحبني تقريبا من اعدادي وكان وقتها اخواته البنات عارفين ووالدته كمان ولما جه قالي انا رفضت علشان وقتها كنا عيال لسه ودراستنا اهم ،بس ماانكرش اني كنت بحبه جدا جدا بحكم الجيرة وكمان صحاب من kg1 بس كان لازم ارفض ،روحنا الجامعه وقالي تاني أنه لسه بيحبني وعاوزني وانا وقتها قولتله موافقه وعرفت ماما وهي قالت لبابا وعندنا في البيت بيحبوه جدا هو شخص ملتزم وكويس وشايل مسؤوليه واس بنت تتمناه ،بس بابا قال لماما أنه مش موافق غير لما اخلص دراستي خالص وهي قالتلي ،بس هو لما عرف أهله وفتح الموضوع للأسف ابوه رفض بس من غير سبب رفض وخلاص بدون اي اسباب ،بس اخواته ومامته موافقين ،طبعا دخلنا ف مشاكل بسبب إن والده رافض وقعدنا فترة وبعدين أخته كلمتني وقالتلي براحه هو هيوافق لسه بدري عن علشان هو كمان قدامه 3 سنين زيي يعني ،واكيد بابا هيوافق طالما ماقالش سبب الرفض والأمور بتتغير وكلام من ده ،بس جه هو الشخص نفسه قالي خايف اظلمك معايا وخايف أعارض ابويا انا مش هفاتحه غير لما اجي أخطب وعقولهم إن دي هي اللي عاوزها وبحبها ومش شايف غيرها تبقي ام عيالي وكده ،بس برضوا خايف تتظلمي وتيجي تدعي عليا في يوم وانتِ ماتستاهليش حد يكسرك وكده ،انا مش عارفه اعمل ايه خالص ولا اتصرف ازاي خصوصا أن الموضع واخد كل تفكيري ،وكمان عذراه علشان ظروف والده الصحيه . اسفه طولت عليكم , رايك يهمنا