مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم ، يا ريت بدون اسم أو صورة ❤️ انا بعاني من مشكله في حياتي و تأنيب ضمير جامد تاعبني في حياتي سببها موقف واحد ، أنا والدي متوفي من 5 سنين كان عندي 15 سنه ساعتها كنت صغير و مش فاهم ولا مدرك لمرضه و تعبه أنا و الله كنت بار بيه و طول فترة تعبه كنت معاه و مش بتنيله كلمه ( و ده من أقل أقل حقوق والدي و واجبي ناحيته ) بس زي ما قلت أنا كنت صغير ، كنت جاي من الدروس تعبان و بتفرج ع التلفزيون و هو نده عليا و انا الصراحه سمعت و مرحتش ع طول ، أنا أكيد كنت حمار ساعتها و مش فاهم و غبي و كل الصفات السيئه ، بس انا حاسس أنه كده توفي مش راضي عني بسبب الموقف ده ، و مش بيجيلي في المنام و انا محتاجله جدا حتي لو هسمع صوته أو اشوفه في منامي ، انا تعبان جدآ و حياتي فيها ثغرة بسبب الموقف ده ، بالله عليكوا قولولي أعمل اي و انا مش بسيب فرض و بدعيله و بتصدق ع روحه و اي عمل صالح بعمله بعمله بالنية أنه له ، بدون تجريح قولولي اعمل اي ، شكرا 💙 , رايك يهمنا