مواقف: كل الاوقات | النهارده بس | الاسبوع الماضي | الشهر ده | السنه دى

نزل من غير صورة ولا اسم صحباتي كلهم هنا 😂 انا اعرف بنت محترمة جدااا وقمورة جدااا وبجد هي بنت فوق الوصف من احترام وجمال وكل حاجة المهم اننا عارفين بعض من فترة كبيرة لاكن مش علي تواصل وبعد فترة هي وصلتلي علي مسنجر وبقا فيه تواصل المهم انها بتلمحلي بمعني انها عاوزة يبقا فيه ارتباط وخطوبة وكدة و بتقولي انت حب الطفولة انت بتفكر تتجوز امتي طبعا انا حاطط في دماغي اني اخلص التعليم واخلص الجيش واشتغل وبعد كدة افكرة اتجوز لاكن فعلا الجواز مش في دماغي قد ما مستقبلي اهم المهم اني التلميحات كترت وحابة تشوف انا بغير عليها والا لاء وصورتلي شات بينها وبين صاحبها وقالتلي بص دا بيحبني وبيموت فيا ايه رايك ارتبط والا اعمل ايه المهم انا قولتلها دي حياتك وانتي حرة فيها لاني يا جماعة انا مش عاوز اظلمها واقعدها معايا كل ده فا غلطت فيا قالتلي انت حيوان وجبلة ومتكبر انا بعمل كدة عشان تغير وانت جحش ومبتحسش فا طبعا هي بعديها قفلت الفيس خالص ورجعت بعديها بسنة ورجعنا نتكلم تاني وبدأت تلمح تاني بس المرادي اكني داخلة حرب ياتفوز بيا يا لاء وبتظهر اعجابها بيا جداااا جداااا وتقعد تتغذل و كدة مع العلم اني قمووور جدااا والحمد لله علي نعمة الجمال الشعر الناعم والبياض واللبس الشيك مش هوضح اكتر عشان لقيت صحباتي هنا وطلبت المرادي بقا نتقابل وكدة وانا مش عارف اعمل ايه في الي بيحصل ده لاني خايف انها تفتكر لما اقابلها اني كدة حبيتها او بقا فيه حاجة مابينا مع العلم انا بكلم بنات كتير كتير جدا بس اصدقاء مبعرفش احب حد ولا اضحك علي حد ولا ادي وعود لحد وديما يا جماعة البنات عندي هي الي بتاخد مبادرة المصارحة ديما وحلصت اكتر من مرة مع كذا بنت انهم عاوزين مكان صغير جوة قلبي وحوارات من دي كتير وكلهم احلا واجمل من بعض بس انا جد جدا رغم اني فرفوش واحب الهزار لاكن في المسائل الجد معرفش انطق كلمة الا اما اكون عارف اني قدها وانا مبحسش من نحيتهم بحاجة فا ده الي مخليني مبخدش خطوة ياريت يا جماعة تعرفوني انا كدة ظالمها او مش مديها امل , رايك يهمنا