مواقف: كل الاوقات | النهارده بس | الاسبوع الماضي | الشهر ده | السنه دى

النهارده انا كنت مخطوبه وكنت بحب خطيبى جدا لدرجه العشق لو عدى عليا يوم من غير مااكلمه كنت ببقا مدايقه جدا وتقريبا مكنتش شايفه غيره فى الدنيا حتى اهلى بعدت عنهم وهو كان اهم حد فى حياتى قبل الفرح حصل مشاكل بالرغم إنه كان بيقول إنه بيحبنى إلا انى الموضوع مكنش فارق معاه نكمل او لا والخطوبه اتفسخت بعدها خطب واحده كان بيحبها قبل مايتقدملى المشكله حاليا انى مش قادره انساه بيتقدم ليا ناس مناسبين ويعتبر فرص كويسه بس مش قادره حتى اقعد مع حد رؤيه شرعيه مش عارفه ابطل تفكير فيه من يوم مافسخنا وهو عايش حياته عادى وانا ولا فى دماغه بالعكس بيتكلم عنى بسوء وانا من حبى فيه مبقدرش اتكلم عنه إلا بالخير وكمان بتمناله حياه سعيده من يوم مافسخنا حاسه إن روحى تاهت منى مش عارفه اكل واشرب واشتغل وارجع لأهلى واصحابى كنت بتكلم معاه كتير بعد مافسخنا مبقتش قادره ارد على حد موبايل كل اللى بعمله انى بتكلم مع ربنا بصلى من الساعه 12 لحد الفجر وبدعى ربنا ينزعه من قلبى وانساه محتاجه نصايح منكم وهل لو بدأت مع حد تانى واتخطبت هنساه ولا انتظر اما انساه خالص وبعد كدا اتخطب انا حاليامعنديش ثقه فى نفسى بسبب انتقاداته ليا ولا بثق فى حد يعنى لو اتخطبت وقالى كلام حلو ازاى هصدق ماهو كان بيقول بس الوقت اثبتلى إنه مكنش صادق , رايك يهمنا