مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم انا عندي ١٨ سنه بدرس في ٣ ث. كان حب الابتدائي ليا هو شخص قريبي من ناحية والدتي بس من محافظه تانيه وساعتها كان هو مراهق. كان بيجي عندنا زيارته كل سنه او اكتر.. المهم وكان بصباص والكلام دا. حتى كلمني اكلمه واحده قربتي من ناحية بابا و قالي انا بحبكم انتو الاتنين..مرة شوفته بيبوسها ( اسفه اني بحكي بالتفصيل) كنا عيال وهي مش فاهماه طبعا.. كلمنى ف الموبايل و أهلي عرفوا و انقطعت كل حاجه يوم ٢٣/٢ كنت فاتحه اميل لواحده صحبتي و لقيت شخص بعت.. تقريبا بالغلط.. والكلام معاه عرفت انه هو.. حكالي الي حصل معاه و انه كان بيحاول يوصلي عشان يعتذر و ان بابا بهدل والده وكلام كتير (هو فعلا حاول يوصلي عن طريق اميل اختي بس محدش ف البيت رضى يعرفني رسايله كانت اي) دلوقت بيقولي انه لسه بيحبني وانه عاوز يتقدم بس اخلص السنه دي.. بس انا لسه بشك ولسه مواضيع زمان ف دماغي ومش عارفه انسهاله واي مشكله تحصل افتكر الي حصل مره قولته مش هغلط غلطه زمان والي عايزني بيت اهلي ميتوهش.. لقيته كلمني من رقم والدته و خلاها هي تكلمني و حلف انه بيحبني بس مستني السنه تعدي.. المشكلة اني مش عارفة انسا وطول الوقت مشككه و خايفه ممكن تنصحوني كتير بحس كلامه متناقض انه يقولي محبتش بعدك من ساعتها و بعدين وسط الكلام يحكيلي انه ارتبط ب فلانه و فلانه.. طب ازاي و في بنوته كان بيحبها وهو لسه ع تواصل معاها وهي معاه ف شغل وانا طول الوقت مقلقة واعمل مشكله معاه بسبب كلامه.. يقولي وقفت معايا وقت تعب والدتي ودا جميل مش هنسهولها. وهو الي بيتصل بيها.. اميله معايا ف شفت رسايل قديمه كان بيقولها كلام حب زي الي بيقولهولي.. مش عارفه ابطل شك ومش عارفه أخد قرار ب اني اسيبه يتقدم مع العلم ان دا هيعمل مشاكل كبيرة ولازم اقف معاه ساعتها عشان اهلي يوافقوا.. مش عارفه اعمل كدا ولا ابعد… اسفه طولت عليك , رايك يهمنا