مواقف: كل الاوقات | النهارده بس | الاسبوع الماضي | الشهر ده | السنه دى

أنا خاطب، وبنحب بعض جدااا يعني من غير شك! هي كانت بتحب قبلي واحد صاحبها، وكان هو شايفها صديقة مش أكتر. بس هي كانت بتحبه لدرجة كبيرة. المهم إنه عمل موقف معاها وبعدين اختفى من حياتها، بمعنى إنه مش بيرد على مكالماتها ورسايلها وكده. ف هي زعلانة من اللي حصل ده جدا، وحاسة ان حقها اتاخد… المهم هي مش بتبطل كلام عنه. كل شوية تقعد تفتكر اللي فات وتزعل تاني وتقول طب هو ليه يعمل معايا كده. وانا بقعد أهديها واتكلم معاها، مع إني كاره جدا انها تقعد تفتكر حبيبها القديم وزعلانة إنه سابها. مع إن أنا كمان كنت بحب، بس نسيت كل اللي حبيتهم لما خطبتها. ومبقتش فاكر او بحب غيرها. المشكلة الكبيرة إن هو معاها في الجامعة، وهي في آخر سنة. وانا اتخرجت. ف هي بتشوفه كتير. وبيفضل باصصلها ومركز معاها بطريقة مستفزة. وهي فرحانة من ده. وبتقعد تحكيهولي كإني المفروض أنا كمان أفرح! ولما أقولها إني متضايق من الكلام ده، تقعد هي تهاتي معايا ان كل ده عادي وطبيعي. وانا مش عبيط يعني. مفيش حاجة اسمها ده عادي وطبيعي. خصوصا ان عدى على اخر مرة أتكلموا فيها 9 شهور!!! أنا بحبها أكتر من أي حاجة في حياتي… ومش أوبشن بالنسبالي إني أسيبها مهما كان اللي بيحصل… بس انا تعبان من الموضوع ده. ودماغي مش بتبطل تفكير… وبجد حاسس حياتي واقفة مش بتتحرك… أنا عاوز حل يخلي الموضوع يمشي كويس، من غير كلمة سيبوا بعض. عاوز حاجة تخليها تنسى الزفت اللي كانت بتحبه ده تماما… يعني أنا عارف ان الواحد بياخد فترة عشان ي move on، بس احنا مع بعض ل 9 شهور! وقريبين بغبااااء… معقول كل ده وهي لسة محتاجة فترة كمان!! ولا هتقعد بقيت حياتنا متعلقة بيه يعني؟! , رايك يهمنا