مواقف: كل الاوقات | النهارده بس | الاسبوع الماضي | الشهر ده | السنه دى

.. مبدئيا بشكر الصفحه دي لانها بتحاول تساعدنا و بتبذل مجهود كبير عشان تساعد في حل اكبر عدد من مشاكل الناس ❤ انا ف مشكلتين اول مشكله متعلقه هنا بالصفحه وهي بتواجه عدد.كبير من اللي بينزلوا مشاكلهم انا وغيري .. ان معظم الناس اللي بتعلق ليهم بتاخد الموضوع بكل سخريه و هزار و تريقه و زي م انا مضايقه من رد الفعل ده فيه غيري كتيير مضايق بيخلينا مترددين قبل ما نحكي مشكلتنا لان اللي بيساعدنا قليل و اللي بيستخف بدمه ويعمل شو عشان يلفت نظر البنات او العكس ان البنات بتستخف بدمها عشان تلفت نظر الشباب .. ممكن نراعي شعور بعض و ان الواحد بينزل مشكلته وبيبقي فاكرها اكبر مشكله ف الدنياا و ازمنه حياته ف نقدر الشخص اللي لجأ لينا ، اكيد كلكوا بتتحطوا ف الموقف ده و بتحتاجوا اللي يشوف مشكلته اهم مشكله و يحاوا يقترح حلول المشكله الكبيرة و المهمه بالنسبالي هي اني ف حالة و شعور غريب.. وهو اني زهقت م ال انا فيه واتخنقت من حياتي دي و عايزة اكون ف حياه جديدة مختلفه .. اما اموت أو اني اتجوز بصراحة بفكر اني اتجوز، يمكن الحياة الجديدة دي تغير ف نفسيتي و تكون مختلفه عايزة احس ب اهتمام و حب أن حد يكون شايفني اهم حاجه ف حياته ،، عايزة اكون ناجحة ف زواجي، نبني بيت صح و مستقبل صح، مش عايزة يكون بينا خلافاااات تتهق الناس مننا .،، عايزة اخلف عيال اربيهم صح .. مش زي ال بشوفه و بيعقدني ف حياااتي عايزة نكون مثال للأسرة الصالحة، و الزواج المظبوط، الناس تقتدي بيه.،، انا بقيت بشترك ف صفحات فساتين كتير و فوتوجرافر و سيشنات افراح و فيديوهات من كدا ، ع الفيس و الانستا. .. و متشوقه جدا للحياه الجديدة دي *ملحوظة* عندي ١٩ سنة ، هل كده انا طبيعية ولا لأ ؟!!!!!؟ و اتجوز مين انا محدش بيتقدملي كتير يعني .. اعمل ايه ؟ **اتمني اجابات و تعليقات تفيد ، مش عايزة تريقة ، ياريت متهزوش ثقتي فيكم ، لان دي مشكله بجد مش عارفه اعيش صح زهقتتت و جبت اخري ممكن انتحر ف اي وقت ،، من فضلكو حطوا نفسكوا مكاني هتحسوا ال انا فيه و هتقدروا تفيدوني ف تعليقاتكوا , رايك يهمنا