مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم انا بنت عندي 20 سنه دلوقت اتعرضت لحاله اغتصاب وانا عندي 13 سنه وللاسف كانت من خالي اخو مامتي مكنتش فاهمه حاجه ومكنتش عارفه غير ان دي حاجه غلط بس هو قالي اني مينفعش اقول لماما لاني ماما ممكن تزعل وتموت بسببي طبعا خوفت بس كرهته ومرحتش عندهم تاني ابدا وحالتي النفسيه فضلت وحسه جدا وللاسف انا كان شكلي اكبر من سني وده خلى واحد يحبني هو كان اكبر مني بعشر سنين انا كنت تعبانه ومحتاجه حد جبني وصحابي شجعوني اكلمه وفعلا كلمته وحبيته ومع الوفت حكتله بس هو حاول استغلال ده ولما رفضت سبني وقالي كلام وحش جدا وانا انهرت بعدها وحكيت لاختي ع كل حاجه حصلت وللاسف هي حكت لبابا وماما وماما جالها انهيار عصبي سبيي وخالي طبعا ف البدايه انكر واتهمني اني عملت كده مع الشخص الي كنت بحبه بس اعترف بعدها وبابا تعب اوي وكل ده كان بسببي انا بس بعدها قربت اوي من ربنا الحمد لله والتزمت وقررت اكمل حياتي للدراسه بس كنت بزعل اني م هفرح زي كل البنات رغم انه م ذنبي م ذنبي ان خالي ذئب م انسان مستحيل بس وعدت السنين ودخلت الكليه والسنادي دخلت تدريب اون لاين وطبعا كان معايا تيم كان فيه شباب ومنهم شاب ابدى اعجابو بشخصيتي وشاف صورتي ع الوتس احنا اتبادلنا الارقام عشان نكمل المشروع واتكلمنا ف حدود جدا ووضحلي انه معجب بيا جدا وانه بيحبني وهو شخص كويس جدا ومحترم جدا وللاسف حكتله كل حاجه عن خالي حتي عن الشخص الي كنت بحبه كنت عارفه انه هيبعد بس للاسف قرب اكترر ووعدني انه هيتقدم بس بعد سنه رابعه لانه لسه طالب بس بيشتغل وظروفه كويسه جدا وهو يعتبر جاهز بس مينفعش يتقدم وهو طالب وصراحه تعامله كويس جدا وف حدود وعمره مخلى كلامنا يتجاوز الحدود بس بيطمن عليا وبقى بيحفظني القراءن عشان نفسي اختمه وديما بيفكرني بالورد وقيام الليل والصلاه وبيحاول يخلاني انسى اي حاجة بس انا خايفه اكون كده بظلمه هو يستاهل بنت وخايفه يكون بيضحك عليا بس م عارفه اعمل اي ممكن تنصحوني وهل اني اكمل معاه كده بظلمه , رايك يهمنا