مواقف: كل الاوقات | النهارده بس | الاسبوع الماضي | الشهر ده | السنه دى

معلش يا جماعة اي حد يشوف البوست دا يقراه للاخر عشان عاوز اشوف رأيكم وهتقبل النقد بس بإحترام بعد اذنكم واللي هينتقدني يكتب مع الكومنت حل لمشكلتي ميسبنيش لوحدي كدا انا شاب عندي 17 سنة والحمد لله حافظ القرآن وبصلي وبصوم…. وبحب واحدة اكبر مني بشهر وهي محترمة جدااا واخلاقها عالية❤️ وكنت بكلمها بس مكنش في كلام حب ولا الكلام دا خااالص وكنت بكلمها كل فترة اسئل عليها وخلاص لحد قبل العيد الكبير اللي فات ومن غير ما يحصل مشكلة بيني وبينها قالتلي مش هينفع تكلمني تاني عشان اهلي ميعرفوش وكدا غلط وانا كنت متقبل الامر وقولتلها تمام ومن ساعتها متكلمناش ولا اعرف عنها حاجه خااالص وغبت بعدها بأسبوع مش راضية تروح من بالي وكنت سرحان دايما في العيد دا ومكنتش فرحان بالعيد وزمايلي لاحظوا كدا مع اننا مكناش مرتبطين عشان ازعل كداا وربنا يشهد اني مجتش في يوم وقولتلها كلمة زعلتها لدرجة انها كانت مش منتظمة في الصلاة اوي كلمتها وشويه شويه مبقتش تسيب فرض لدرجة انها كانت بتسهر عشان تصلي الفجر وانا كنت بنام عشان مش متعود عالسهر بس بحاول انتظم واصحي كل يوم اصلي الفجر في معاده وكانت بتسمع مسلسلات بعتلها كتب لاحمد ديدات وذاكر نايك عشان تقرأ وتستفاد وتسيب المسلسلات وهي برضو بعتتلي روايات دينية بس لحد الان في بالي ومش بتروح من دماغي وكل يوم بفتكرها ومش قادر انساها وانا مرضتش اقولها اني بحبها عشان ربنا يجمعني معاها بالحلال وتكون من نصيبي وياريت متتريقوش عليا وقولولي اعمل اي عشان تكون من نصيبي وانا بدعيلها في كل صلاة ان ربنا يوفقها وتكون من نصيبي🥺 بعد ما اخلص ثانوية…ادخل اقولها استنيني اما اخلص كليتي وهجهز نفسي وهدخل البيت من بابه ولا معملش كدا واصبر؟ولا ادخل اقولها دلوقتي علي صراحة؟؟ ومعلش ادعولي اني ادخل كلية الصيدلة عشان نفسي ادخل الكلية دي🤲❤️ انا كتبت كل حاجه ولو هي شافت البوست هتعرفني مليون في الميه👌 بلاش تتريقوا بعد اذنكم وعايز كلام يفيدني مش كلام يكسرني ..ياريت بجد💙 , رايك يهمنا