مواقف: كل الاوقات | النهارده بس | الاسبوع الماضي | الشهر ده | السنه دى

انهارده ياجماعه قررت ان انزل مشكلتي عشان مبقيتش عارفه افكر حقيقي هيا طويله شويه بس معلش ساعدوني وكل واحد يقولي اعمل اي انا حاليا مخطوبه بقالي شهر والي مخطوبالو ده كان خطيبي قبل كده ولسه راجعين لبعض كنا بقالنا سنه سايبين بعض وسيبته عشان أمه وهو برضو بقي وحش اوي معايا الفتره الاخيره ملحوظه كانت خطوبة صالونات بس حبينا بعض وهو كان مبينلي كده في أول فتره وبعد كده اتغير وصبرت واستحملت معاه كتير وهو مقدرش نهائي وأمه واخواته بيحبوني وكنت بروح لامه لأنها كبيره انا وامي امي تقعد معاها وانا اعمل كل طلباتها ومكنتش بخليها محتاجه حاجه وكانت بتحبني عشان كنت بخدمها لانه اخواته متجوزين وهيا لوحدها وجت في الاخر نكرت كل حاجه كنت بعملها وهو كمان كلم عليا واحدهوعرفت في الاخر وجيه عيد ميلادي مفكرش يكلمني ولا حتي يجي ولا اي حاجه وبعدها فضل 15 يوم مبيكلمنيش فاتعبت وقتها وقررت أن ابعد واسيبه وبعدين حاول يرجع بعدها بتلات شهور رفضت وبعدها خطب مرتين ومعرفش يكمل برضو رجع تاني واهلي ذلو وانا موافقتش بسرعه وكلمني وفضل يقولي انا جاي اصلح غلطتي عارف ان ظلمتك الي مرعاش ربنا فيكي جاي لحد عندك وبيقولك هيراعي ربنا فيكي والموضوع طول اوي علي بال ماقولنا تمام موافقين كده بقالنا شهر مع بعض من رجوعنا واسود شهر عدي عليا امه بقيت كويسه معايا هو بقي اتغير تماما وبقي وحش جدا اسلوب وطبع وكل حاجه مبقاش يهتم ولا يسأل ولا بيجيلي حتي ولا بننزل ولا اي حاجه ولا حتي يقولي مثلا عمل ايه او مخنوق أو فرحان ولما اقولو مبقيتش تتكلم ليه يقولي مبحكيش انا اقولو من امت انت كنت بتتكلم وتحكيلي يقولي اهو وبقيت كده واول مشكله كانت لينا مع بعض شوفت اسم الي كان خاطبها واسمه عالشاشه من بره وساعتها قاوح ولا فكر يقولي متزعليش هشيلها وفضل 13 يوم مبيكلمنيش وفين وفين لما كلمني وبعدها جيه عيد ميلادي وكنت عزماه وعازمه أهله واهلي كلهم وصحابي وفجأه مجاش عشان تعبان وأمه واخته بس الي جم كان شكلي وحش جدا قدام الكل ومع ذلك مش مغلط نفسه وكل ماقوله أنا حاسه بنقص ومش حاسه ان مخطوبه يقولي انا مش فاضي للي انتي فيه ده ولا فاضي للتلفون ودايما ميال لمرات اخوه لأن هيا الي جابتله الي كان خاطبها دي فابقيت احس أن هو عايزها بس عشان أهله حابني انا ومش حابين دي فاهو قال يريحهم مثلا وياخود الي أهله بيحبوها ولا ايه انا تعبت ونفسيا مدمره وبيتخانق معايا علي اي حاجه وغبي عليا ومبيتكلمش براحه وانا تعبت واهلي مش شايفين ده وشايفني انا الي وحشه وأن عايزه اسيبه عشان حد تاني وانا بحبه هو بس حقيقي تعبانه جدا بسبب عمايله ومش عارفه اعمل ايه اسيبه ولا اصبر عليه ولا اعمل ايه وملحوظه كل ماحد يتكلم معاه يقولو عليا قسط عربيه وضغوط وعايز اخلص الشقه ومش فايق للكلام ده ..وكل الي بيعملوا ده في شهر بس يعني مكملناش لسه قولولي ساعدوني اعمل اي A7a , رايك يهمنا