مواقف: كل الاوقات | النهارده بس | الاسبوع الماضي | الشهر ده | السنه دى

انا مبقتش فاهمه ان كنت عايزة حل ولا عايزة افضفض وخلاص مش عارفه ان كانت مشكله فعلا ولا عقده.. بدون مقدمات كتير من سنه ونص وشوية اتعرفت علي شخص اعجبنا ببعض وقربنا اكتر وحبينا بعض جدا جدا.. احنا مش صغيرين ع دا يبقي اسمه لعب عيال ولا فتره وهتعدي لا دي فتره علمت علي كل واحد فينا متاكده انه بيحبني زي منا بحبه وبدون تدخل ف تفاصيل بينا بس هو طيب وحنين مكنش بيحاول يضايقني وبيحترمني ووقته معايا وسرة ومشاكله وبنفكر سوا نمشي مرتبه كمان ازاي بالظبط لما كملنا سنه من كام شهر.م 8 شهور ** حصل شوية تاتشات بينا وكنت بعيده ومطلعه عينه بس كان غلطان فعلا وخدت القرار اني مش هكمل… مبطلش يحاول يوم والمهم ف الوقت ال حسيت اننا نرجع وهيتغير وبتاع… عرفت صدفه انه ف الفتره دي اتقدم لبنت حجته اني كنت بعيده ودا قرار اهله.. والبنت عاديه جدا تكاد اقل.. مكنوش يعرفوا بعض. الموضوع فيه وسيط والجو دا.. وقالي مكنتش عايزة اعرفك عشان مجرحكيش وكدا وكنت ناوي اخلع م غيرحوارات ونتخطب وبالفعل كنا خلاص محددين معاد للخطوبه بتاعتنا بس نصيب واهو ال حصل… المهم بصيت لحياتي.. اشتغلت الحمدلله ونجحت واحلويت وكله كله بقا بس هو مبطلش يحاول في يوم انه يقرب او يقولي مش قادر اعيش م غيرك بس فتره وهتعدي ف مره قولتله هقول لخطيبتك لو حاولت توصلي تاني وبالفعل روحت قولتلها وهو ولا همه وفضل يحاول بردو بغض النظر ان خطيبته فاهمه ال فيها بس بتستعبط.. هو مركزه كويس ويكاد يكون ميترفضش وفرصه لاي حد.. بس عادي ملناش دعوه يامحيي الفتره دي مقاطعها بقالها مده ع اساس انه بيفشكل ويحاول يقرب اكتر ونا تعبت م كتر ماببعده عني فبقيت الفتره ال فاتت بسمعله ونا م جوايا مش ناسي ومش قادر يسامح وال هو كان ليه من الاول المهم هو قالي لو فشكلت واتقدمتلك تقبلي بيا!! مدتوش رد صريح قولتله اهو كلام وبتاع بس هو فعلا شكله متدمر.. بهتان وزعلان وكبر ف شهور 20 سنه كانه عجز من الهم وانه عايز يفشكل ومش عارف ياخد القرار لكن دلوقتي قرر ياخدو لكن للاسف متأخر نفسيتي تعبت رجعت لعلاج الاكتئاب ولقتني برجع للصفر ومحدش بيحس بحد بعتله مسج فيها قررت مكونش متاحه تاني ودا اخر قرار فضل يحاول كتير يكلمني فتحت وكلمته ونهيتها قولتله مرتاح او لا دا قراراك اتحمله وهكذا فضل يحايل وان ف اقرب فرصه خلاص هانت ونتخطب رسمي بس نا جزء م كرامتي انجرح ميداوهوش خطوبه ولا كلام وللاسف مبطلتش احبه يوم.. بنحس ببعض فاهمين بعض.. شكل بعض.. علاقه قلبي زعلان عليها انها تنتهي بالشكل دا والاخر قولتله نا بقيت بقرق م نفسي لما بكلمك اتعصب وقالي اقفلي تمام وقفلت وبلوكات بقا نا ف صراااع ومبطلتش يوم ادعي ربنا انساه والله اسفه ع الاطاله 💔😅 , رايك يهمنا