مواقف: كل الاوقات | النهارده بس | الاسبوع الماضي | الشهر ده | السنه دى

السلام عليكم ورحمه الله وبركاته انا شاب عندي 20 سنه لسه بدرس عمري ما كلمت بنات خالص (ده بجد والله علشان ما حدش يتكلم كتير) المهم كنت بكلم بنت في شغل مش اكتر بس بعدها الكلام فتح معاها وبقينا نتكلم كتير اوي لدرجه لما كنت بغيب شويه ما اكلماش ببقي زهقان المهم يعني انا اعجبت بيها بس انا من كتر ما بشوف مشاكل البنات هنا مش حابب اقعد اتكلم معاها وبعدين اسيبها علشان انا لسه قدامي سنتين في الكليه وجيش يعني مش هتجوز قبل 6 سنين المهم انا ابتديت اقفل معاها في الكلام خالص وما بقتش بتكلم معاها وهي سأتني في حاجه قلتلها عندي شغل وهي ما اتكلمتش تاني الكلام ده من 15 يوم وانا مش عارف انا حبيتها ولا اي انا مش بفكر غير فيها وكل شويه ابقي عايز ادخل اكلمها بس مش عايز اسبب لها مشكله او اقولها حاجه وارجع فيها بعدين لأي سبب عايز اعرف ارائكم وشكرا , رايك يهمنا
انا شاب عندي ٣٢ سنة مقيم بالخارج نزلت اخطب من مصر والد خطيبتي شخص ملتزم وعيله محترمة جدا والراجل لما جينا نتكلم في التفاصيل قالي انا يا ابني مش طالب منك حاجة لا شبكة ولا مهر ولا هقولك هتقعدها فين وازاي اللي انت تقدر عليه ومناسب ليك جيبه ولو حصيرة بنتي هترضي بيها وفي المقابل طبعا هو مش هيجيب اي فرش ولا اي حاجة يعني لا هو الزمك بأي شئ ولا هيجيب اي شئ انت اللي تقدر عليه في بيتك اعمله وهو وبيته راضيين بيه حتي الشبكة قالي اققل حاجة تقدر عليها مش عايز منك حتي خاتم ولا دبله ومش هقولك تجيب كذا اللي عايزه انت وشايفه مناسب تعالا قدمه للبنت الكلام جميل بالنسبة ليا لاني كشخص مقيم برة ملزم يبقي عندي مكان في مصر ليا وبرضو مكان في بلد الاقامة , رايك يهمنا
ي جماعة انا عندي ١٨ سنة ودايما بكاوت عاوز اصاحب بنات وكمان لما اشوف حد من صحابي بيكلم بنات نفسيتي بتتعب جامد فياريت اي حد مر بالمشكلة دي يقولي اعمل اي , رايك يهمنا
من غير تفاصيل او ذكر اي اسماء بعد اذنك ،انا ارتبطت ببنت وكنت ناوي اخطبها بس عرفت منها انها كانت مرتبطه بشخص قبلي و عرفت منها ان العلاقه بينهم وصلت لمرحلة انها بعتت ليه صور شخصيه ليها او بمعني اوضح صور مكنتش ينفع تتبعت انا تفكيري اتشتت لما عرفت الموضوع و محتار اكمل ولا لا ، هل احترم صراحتها انها قالتلي حاجه زي كده و اكمل ولا الافضل اني مكملش ياريت التعليق علي المشكله يكون في سياق محترم من غير غلط او كلام ملوش لزمه شكرا , رايك يهمنا
مشكلتي اني بغار بشكل مفرط يعني على أتفه شغلة بدايق حتى بيجيني احيانا أفكار اني اذا وتزوجت وشفت اخو زوجتي عم يبوس زوجتي لزم اضربو ولا ابقى ساكت لما بشوف كراش معلق  لحدا او حاطت لاف لحدا قلبي حرفيا بيوجعني بعرف موضوع مو طبيعي وعم حاول اخلص منو ماعم احسن يا جماعة لا حدا يتنمر لانو موضوع فاشخني من جوا , رايك يهمنا
انا ماما بتعاملني بقسوه اوي هي بتكرهني ومتقولوش مفيش ام بتكره بنتها هي بتكرهني اوي كمان ودايما بتعاملني وحش ودايما على طول بتدعي عليا لدرجه انها ممكن توصل وتدعي بالموت ومش مره ولا اتنين هقولكم موقف في مره كنا متخانقين ورحت لبابا طلبت منه حاجه وعملها لي وكانت معديه من قدام اوضتي قالت يارب تكبري ماتلاقي اللي يسندك ومواقف كتير اوي والمواقف دي بتكبر معايا انا بقيت بكرهها ومش قادره اتقبل وجودها ومهما حاولت معاها والله هي بتكرهني وبتفهمني غلط ولما في مره كلمتها ضربتني لحد ماكنت هموت في ايدها وكانت مبسوطه وانا بقولها اني هموت مش عارفه اعمل اي والله انا طول الوقت في اوضتي ومش بسلم من كلامها انا بقيت تعبانه اوي نفسيتي بقت وحشه شخصيتي وحشه بزعل بسرعه بكرهه بسرعه مبقتش حتى بثق في اللي حواليا , رايك يهمنا
انا بقالي يومين اتنين ودا التالت مش مرتاحه من جوايا وتعبانه وبيجي عليا الليل م بعرف انام وقلبي بيقعد يوعجني بطريقه وحشه مع العلم اني مكنتش منتظمه ف الصلاه بس الحمدلله اليومين دول بقيت منتظمه وبقرأ قرأن بس بردو تعبانه ومش عارفه اعمل اي ولما جيت حكيت لصحابي قالولي خلي حد يرقيكي عشان ممكن تكوني منظوره مش عارفه اعمل اي ممكن تقوليلي اعمل اي , رايك يهمنا
# في الحقيقة واحد صاحبي قالي في واحده معجبه بيك وعايزه تكلمك وقالتلي اساله وانا طبعا محبتش حاجه زي دى ورفضت الكلام دا كان من فترة وفي ليلة الكلام دا حلمت ان كان في واحده عايزة تكلمني وعشان تكلمني قالت ان اتعديت عليها وعملت كذا وكذا طبعا قولت محصلش وفضلت اعيط طول الحلم وسالتها ليه عملتي كدة قالت عشان اكلمك وكانت بتعيط هي كمان اتضح ان صاحبنا بقي في نهاية الحلم موجود وقالي قولتلك اديها رقمك ( بس البنت اللي حلمت بيها معرفش هي اللي صاحبي قالي عليها ولا لا ) اولا الكلام ممكن يكون غريب شوية بس في الحقيقة دماغي اتشتت لان كنت رفضت مع العلم ان الحمدلله قريب من ربنا , رايك يهمنا
المشكله دى مش فيك والله بس انا عندى اختى متجوزه وعندها اولاد المهم جوزها مش موجود معظم الوقت وهى كانت بتكلم رجاله كتييير وانا عرفت وانا بصراحه كنت اعرف بس مكنتش معرفها المهم لما لقيت الموضوع زاد عن حدو وابتدت عيالها يفهمو انا قولتلها وحذرتها كتير وهى مسمعتش الكلام وآخرهم كان واحد يعرفنا كويس ومراتو تعرفنا ومراتو شافت الشات وورتو ل ماما وماما عقبتها جامد وحبستها وخددت التليفون منها وقعدت فتره كبيره ندمانه أو عرفتنى أنها ندمانه ودلوقتى لقيتها بتتكلم فى تليفونى كتير وعرفت انها بتكلم الراجل من عندى وانا مش عارفه اعمل اى اقول ل ماما ولا احذرها الاول سعدونى من غير إسأءه لو سمحتو , رايك يهمنا
كنت مصاحب واحده وخدناها صحوبية فترة طويلة وبعدها قولنا نخلي الموضوع رسمي ونتخطب .. لا أهلي عجبهم البت ولا أهل البت انا عجبتهم .. المهم الحوار كان من رابع المستحيلات انه يتم للآخر .. هيا صعبت عليا فا إديت رقمها لواحد معرفة جديدة وكنت فاكره كويس وهيحافظ عليها .. وانا مكنتش عارفه أوى .. المهم لما اديته رقمها سألني هي شمال .. قولتله لأ طبعاً .. قالي خلاص تمام .. بعدها بأسبوع أو 10 ايام تقريباً .. عرفت ان الواد ده في الحجز وان في حوار كبير .. وبعد ما أقعدت أدور واعرف أكتر عن الموضوع .. عرفت ان الواد ده اتحرش بالبت في الشارع لدرجة انه كان هيغتصبها .. تلما الناس اتلمت سابها وجري .. من غير ما نخش في تفاصيل .. انا حاسس انها صعبانة عليا جداً .. اعمل ايه وازاى أكفر عن اللي عملته .. مع العلم انها طبعاً متعرفش ان انا اللي اديت الواد ده رقمها .. بس انا عايز اكلمها وخايف تزعل اني بقالي كتير مكلمتهاش .. وفي نفس الوقت عايز اخطبها لسة ومتلخبط ومش عارف اعمل ايه .. ساعدوني لو سمحتم , رايك يهمنا